نصيحة في مدرسين قسم الدراسات الإسلامية و العربية

يثبت

 

اضف الى معلوماتك...

عبدالرزاق حسين..

ماشي حاله و كلاسه ممتع.. بس اختباراته شويه لك عليها..

لكنه على العموم كويس

 

الله يعطيكم العافية

 

يعطيك العافيه

ما قصرت

 

بصراحه الموضوع جدا رائع ومتميز بس تبون نصيحتي بالاسلاميه
لايفوتكم الدكتور سعيد القحطاني دكتور اكثر من رااااااائع انا اخذت معه كورسين زي الحلاوه
اما العربي الدكتور عبدالكريم الزهراني ممتاز
بس نصيحه ابعدوا عن الزامل ترى نكبه مثل ما قالوا الشباب يكرفك و يخسرك و اذا اعطاك سي نعمه
والدكتور الهوساوي جيد و تسعين بس يسال كل كلاس

وسلامتكم

 

مشكورين على هذي المعلومات القيمة...

ياريت اذا واحد ماخذ عند الدكتور مسفر القحطاني يعطينا فكرة عنه.
يعني فكرة بسيطة عنه.
مثلا:اسلوبه في الشرح,التحضير,مياجره,الفاينال

هل يعتمد على مذكرات خارجية او مقتصر على الكتاب فقط

ولكم خالص التحية

الساحر

 

يا شباب أنا كنت منزل "أخلاقنا" عند دكتور جديد اسمه خالد العبري. اللي ما ذاق طعم الA+ لازم ينزل عنده هالحين!! أول ما شفته قلت والله باين عليه متشدد وكلاسه ممل، ولكن طلع حبيب وكلاسه ممتع، وينكت دايم!! وأسئلته مرة سهلة لدرجة إنه في المياجر ما يجيب أدلة أبدا(يجيب في الفاينل!)، لكن لازم تسجل اللي يمليه في الكلاس. وبالنسبة لي كان عندي 3 غيابات ونقصني درجة في ميجر 2 وشوي لخبطت في الفاينل، وفي الأخير: A+ والحمد لله! وعلى فكرة اللي يعرف شي عن مسفر القحطاني لا يبخل علينا

وشكرا...

 

شكر وتقدير

مسائك ورد اخوي الخرش.........
يعطيك العافيه وما قصرت على هالمعلومات القيمه ويعطيك الف عافيه...

 

جميل القرارعة: ممتاز وحليو .. أسئلته حليوه .. عليه طلعات بين السطور.. أخذت عنده A

محمد العيدروس: عيبه الكرف .. بحوث واستبيانات وبوربوينت .. طيب وحبيب ومحاضرته ممتعه ... عطه شغل نظيف فيه شوي إبداع يستانس عليك أخذت عنده A

عبد الكريم الزهراني: حبيب وطيب نص المحاضرة شرح ونص سوالف ..أخذت عنده A

محمد الزامل: حبيب ومثالي ما يعترف بالكتاب عنده ميدتيرم طلباته كثير وكرف ..يعطي عمل بديل وسهل .. أخذت عنده +A

مسفر القحطاني: محاضرته ممتعة جداً إختباراته متوسطة نسبياً بس فيها لف ودوران بعض الأحيان يجيب كم سؤال بين السطور .. أخذت عنده B

سعيد القحطاني: ما أزيد عن إللي قالوه الشباب .. نزل القريدات أخذت عنده B زاد كل الطلاب قريد زيادة فأخذت عنده B+

 

حسن سندي :

شرحه ممل جدا ، أسئلته سهلة لكن يبغى اجابة دقيقة جدا

سعيد القحطاني :

قمة الاخلاق الاسلامية الرفيعة والتعامل الراقي
مهما قلت فلن اوفيه حقه

عبدالكريم الزهراني :

تاخذ عنده قريد محترم بالراحة

أسامة الملا :

أخلاق ليست بالمستوى الرفيع جدا
مياجره مويه
راح تستفيد منه كثيرا في مهارات الاتصال المختلفة
كلاسه غير ممل ابدا

عبدالله المشوخي :

كلاسه ممتع جدا ، ويخرج عن الدرس دائما و يتطرق الى مواضيع سياسية حساسة جدا ، المدرس الوحيد اللي ماغبت عنده ولا غياب
اخلاقه غير ممتازة ابدا
اسئلته سهلة لكن قليلة جدا يعني كل سؤال بقريد

 

مع بقية المدرسين

اهلا بك اخوي الخرش

انت روعة ومواضيعك ايضا روعة

تسلم يدك على هاالموضوع اللي راح استفيد منه واجد ان شاء الله

انا راح اتكلم عن الدكتور عبد العزيز أبو صقر

********************************************
الدكتور عبد العزيز أبو صقر ((اسلامية ))
********************************************
دكتور قمة في الاخلاق والتعامل مرة حبوب وطيب قالوا لي ان اسئلته سهلة جدا بس لما درست عنده كان عليه بعض الطلعات في المياجر يحب السوالف والضحك يكره التأخير وكان يقول ان اللي يتأخر ماراح اخليه يدخل الكلاس مرة ثانية ومع ذلك يخليه يدخل حتى لو تأخر مرات عديدة اذكر ان في ميجر2 جاب اختبار صعب لذلك الطلاب جابو العيد زاد كل طالب درجتين وفي بعض الطلاب زادهم من خمس الى سبع درجات والفاينل جابه سهل نوعا ما

حاول انك تكتب اللي يقوله لانه بعضه يجيبه في الاختبار حتى لو مو موجود في الكتاب

نصيحة خذ عنده بس كون مركز في الكلاس تجيب قريد عالي


انا أخذت عنده A مع اني كنت اتوقع B+

تحياتي

 

نسيت شي

نسيت اكتب في الموضوع

مين يعرف اي شي عن الدكتور عبد الرحمن الهوساوي لايبخل علينا


مع جزيل الشكر

 

للأسف..
بقدرة قادر تغير الدكتور النمري.. إلى HAFIZ, AFZAL
أحد يعرفه؟

 

اي والله

شباب من حفيظ هذا ؟؟؟
احد عنده فكره!!!!!!!!!

 

لكم تجربتي مع دكاترة هذا القسم.........

111 دكتور بوصقر: كلاسه ممتع واسئلته سهله ويكررها ومتعاون مع الطلاب ويسهل عليك المادة ولازم تكتب معاه لانه يجيب من اللي يقوله.

101 عند دكتور الزهراني: ممتاز جدا شرحه حلو وتعامله حلو وكلاسه ممتع ويعطيك اكثر من حقك متعاون جدا جدا.

201 اسامة الملا: يكرف على خفيف ويخلي اخر شهر ونص تقريبا للمحاضرة كل يوم يطلع طالبين او ثلاثة يلقي موضوع من عنده. اسئلته مالها علاقة تقريبا بالكتاب يعني من راسك تحط الاجابة وقريده ممتاز بس لاتغيب عنده.

211 عند الحميدان: من افضل الدكاترة اللي يسهلون المادة على الطالب ومايخليك تحفظ جميع الادله ويحدف البعض ويحذف بعض المواضيع واسئلته سهلة ومباشرة ولازم تكتب معاه. تقدر تعوض بعض الدرجات اللي ناقصتك اذا جبت له نشاط يكلفك فيه وتسويه.

322 سعيد القحطاني: الشهادة فيه مجروحة واللي قبلي كفو ووفو عنه.

301: حاليا عند عبدالرزاق؟؟؟؟

416 عند السندي: طيب وخلوق بس يبيلك تحفظ كل شي اسئلته سهلة بس احيانا يجيب تواريخ بين السطور لكنها عموما سهلة. لازم تكتب اللي يقول عنه مهم والقريد بتاخذ حقك مو اكثر منه.

 

يا annoos الدكتور حافظ الباكستاني الاصل

اذا هو ,تراه ممتاز وطريقته في الشرح هي

سؤال وجواب

واسئلة الميجر والفاينل , ما تخرج منها ابداً


يعني تراك محظوظ

 

جزاك الله خير يا ولهان

فعلا اليوم كتبلنا أسئلة وجاوب على بعضها.. وقالنا أسئلة الاختبار غالبا تكون منها..

أنا صراحة ارتحتلو من أول كلاس وقررت أكمل معاه

 

فعلا الدكتور أبو صقر قمة في الاخلاق والتعامل والشرح .. وما يكتفي بالكتاب فقط يجيب مراجع قديمة معه للكلاس ويشرح كل شي بالتفصيل .. حتى اتذكر درس واحد بس يشرح فيه اسبوعين كاملين ( الايمان باليوم الآخر ) .. حتى اصبحت مادة الاسلامية افضل مادة و احضرها بحماس عكس بعض المدرسين الله يستر عليهم ..