والله محتار ومو عارف ايش اسوي >>ممكن نصيحه

نصيحة لا توسوس وشد حيلك في الجامعة في الوقت الحالي وإذا جاء الصيف القادم راجع نفسك واستشر من حولك ،،،،

 

مشكلة الحيرة في التخصص متعبة جدا ،، الله يكون بعونك

اول شي استخير مرة ومرتين وثلاث إلى ان ترتاح لأحد الأمرين

ثاني شي اسأل بكثافة عن وضع طلاب الطب والبعثة ،، اسأل عن كل صغيرة وكبيرة عشان الامور توضح تماما أمامك ، فبكذا تتخذ القرار السليم باذن الله



الله يوفقك وييسر أمرك

 

كما كتب أخوي Khaleed
أستخير و حدد قرارك يا تكمل أو تشوف الطريق المناسب لك


ونصيحة مني أكثر من الأستغفار
الله يختار لك الي فيه الخير

 

كان يا مكان في قديم الزمان
كان لي صاحب جالته مثل هذي الحالة وهو باول سنة فرشمن اظن او ثاني سنة
وبآخر السمستر قرر يسحب ويرجع طب
سحب.. وماجاته اعادة قبول في كلية الطب..
و اعاد قبول بالبترول ورجع..

لا تتهور.. فكر مرتين وثلاثة واربعة

 

ما ماخب من ناجى رب استجاب لدعاء ابراهيم عليه السلام فنجاه من حر النار ,,و شافى ايوب من مرضه ...ووهب لسليمان جميع الخيارت وملك لم ياتي به لاحد بعده ابدا..

وما خاب من استشار ..وجيب على المستشار ان يكون مؤتمن

نصائح مني اليك لعلك تستفيد منها ..فالكلام سهل ولكن التطبيق امر عسير وصعب

1- الطريق اللي تمشي فيه اول خطوه حاول انك ما تتركه ابدا و حاول انك تخلصه من البدايه ..لان الانسان اللي يتردد كثير في مره وحده راح يتردد طول عمره

2- حاول اتخاذ قرار سريع ولا تاجل اكثر من كذه

3-صدقني هذه شفتها في الجامعه كثير (اللي ما يبغى الجامعه ترا الجامعه ما تبغاه)<<واتوقع انك شفت طلاب مهملين كثير انطردوا من الجامعه

4-طب ..ام هندسه ,,ام بترول ..(كلها علوم والنعم فيها تخدم العالم ولكن كل في مجاله و تخصصه)

5-ان الله يحب اذا عمل احدكم عملا ان يتقنه

حاول الخطوه اللي تخطوها لا ترجعلها مره ثانيه ..وحاول اذا مشيت خطوه على قدام لا ترجع خطوتين الى الخلف(فتفوقك في الخطوه الاولى وارتاحك لها هذا افضل خطوه تدفعك للامام وتكون لك حافز)

انا ممكن كلامي صحيح ..ممكن خطأ ...

ممكن يكون كلامي مو مرتب ..انت اقراه بطريقتك الخاصه ..ورتب افاكرك ...وعليك بسهام الليل ..وادعوا ربك في الثلث الاخير من الليل ..لان ربي ما يرد يدا عبد مؤمن دعاه صفرا خائبتين


الله يوفقك ..وقولنا على قرارك النهائي و لو بعد حين فانا انتظر ^_^

مع التحيه

المحقق

CnN-EnG

 

ماعندي إلا أقول شيء واحد ، احذر ثم احذر من لخبطتك وحوستك ، انها تحوس دراستك هنا وتضيع معدلك ، وتضيع مستقبلك ككـل وتأخرّك ، لا تخلي حوستك تضيع عليك كل شيء .. الطب والبترول

والاخوان ماقصروا ، واهم شيء الاستخاره

 

كفيت ووفيت

 

أنا نفس حالتك بالضبط. الله ييسر ويوفقنا للي فيه خير.
أظن السبب الأساسي من ناحيتي هي الجامعة وأنظمتها الي فيها فلسفة ولف ودوران ما لها داعي. يعني أنا طالب داخل تخصص ما له دخل في الكيمياء ولا الفيزياء, ليش أقعد أدرسها؟ بدل ما أروح أتعمق في مادة تخصصي سنة الفرشمان, قاعد أدرس مواد ما حينظرون لها عند الوظيفة. وما بعد كذا يحشون لك في 3 سنوات مواد التخصص تصقيع والناس تقعد خمس سنوات من بداية الجامعة.

أظن اني أطلت, وسيرت الموضوع في سالفة ثانية. الله ييسر.

 

لا تتهور في اتخاذ القرار







طالما ان معدلك زين ليه ما تكمل الدراسة>>>>>>>>>>>>>>>>>>>>>>> وجهة نظر

 

ارجو منك زيارة مركز التوجيه والارشاد هناك ستجد أناس متخصصين لحل مثل هذه المشكلات وعلى قدر من العلم والخبرة . سيقيمون حالتك وسوف يعطوك الحلول المثالية .

من الممكن ان تجد ردود هنا لكن يستبعد انها كلها تكون ذات خبرة وعلم ودراية بحل مثل هذه المشكلات ولكن نقدّر وجود الخبرة ولكنها لا تكفي لوحدها. واستبعد ان تنطبق حالتك على غيرها من الحالات لو أن احدا رد بأن زميلي حصل له مثل ما حصل لك .

وشكرا

 

خير الكلام ما قل ودل أنت كمل السمستر ... وإذا خلصته روح طب على طول .... لانك ما راح تفتك من التفكير الا لمين تجرب الطب وذا كنت انت راغب في الطب ما راح يضرك ترك الجامعة ولا أنك تكملها وانشالله كل شي يمشي تمام وتقبلوا تحياتي..وشكر

 

^
غريب راد بالعربي !!

ماخاب من استشار وما ندم من استخار

 

ياخوك في ناس مش ناويين يبدون اي احترام لواحد يتعلم انجلش ....

على اية حال ذكرتني بشي نسيت احطه بردي وزين انك حطيته بردك وشكرا
تقبلوا تحياتي

 

يا عزيزي الكريم ......

أتوقع إن المشكله اللي عندك ممكن يكون جزء منها بسبب الروتين اللي ماشيه عليه السنه التحضيريه !!

أتوقع مثل ما قال أحد الأخوان ..... أفضل حل إنك تتجه لمركز التوجيه والإرشاد ....

وأسأل الله أن يلهمك مراشد أمورك .....​

 

i'm so sorry dear, am i hurting you





i just kidding with you​

 

ناس غيرك ... انت خلاص excused

 

اختبار الشخصية

الرغبة

القدرة

الفرصة

(بعض الامور اللي تساعدك بتفكير بعيد عن العاطفة)

 

الاستخارة الاستخارة الاستخارة

وفقك الله لما فيه الخير....