ياشباب أبي منكم تتكلمون عن كلية المجتمع

اسمع طال عمرك
انت لا تفكر كثير في المجتمع وخل هدفك كبير وعلى البترول مباشرة

على العموم انا ابي اجاوبك وان شاء الله عن كل اسألتك بالشي المضمون ويمكن اكثر من اسألتك حتى

بسم الله

القبول في المجتمع شبه فوري و في الاونه الاخيره كان التسجيل الكتروني
طبعا بالنسبه للنسبه تبع الثانويه فتكون نازله نسبيا يعني القبول بيكون لنسبه كبيره من الطلاب

اذا ما الله يسر لك ودخلك البترول ودخلت المجتمع
راح تدرس انجلش 001 وماث 001 في الترم الاول
واذا جبت في هذا الترم b على الاقل في الثنتين راح تحول الى البترول على طول
اما اذا جبت c فراح تكمل الترم الثاني في المجتمع
وراح تدرس انجلش 002 وماث 002
واذا جبت على الاقل c في هذولي المادتين في هذا الترم راح تحول للبترول وراح تبداء بالتخصص

لكن تذكر انك اذا جبت في اي كورس من هذه الكورسات اقل من c انسى انك تحول للبترول

اتمنى اني افدتك
واذا احتجت شي او اي سؤال او استفسار
راح اجاوبه لك واذا تاخرت عليك ارسلي على الخاص

 

كلية المجتمع على حد علمي إنها قريبه من الكليه التقنيه

ويفصلها إلى البترول مسافة 10 دقايق تقريبا إذا كنت تمشي 110 بالسياره

بالنسبه لسكن أعتقد إن مافي

إنتظر واحد من الشباب يرد و يأكد كلامي

 

هلا فييك اخوي ..


انا محدثك الآن هذا الترم بجامعة الملك فهد والترم اللي فات كنت بكلية المجتمع .. الحمد لله الله وفقني وجبت b بالانقلش وb+ بالمااث .. وحووولت بكل سهوولة لكن فيه حاجة ماخبروك فيها الشباب .. هو ان بالجامعة الطلاب يدرسون مواد زيادة اللي هي رياضة 001 و 002 ومهارات الدراسة الجامعية وفيزيا وحاسب و وورك شوب
إذا حولت من الترم الاول راح تدرس هذي المواد واضن ممكن يشيلون عنك وحدة من الرياضة يا 001 او 002 لانها ماهي مهمة ..
فـ انا بلشت الحين غير ادرس كل هالمواااد ويحطونها لي مع مواد السنة الجاية يعني ضغووط علي ..
اما اللي بيحول من الترمين يعني اخذ بالماث 001 و002 والانقلش 001و002 اخذ بهالاربع الكورسات c خلاص يحول للبترول على طول ومايدرس المواد اللي انا ادرسها الحين ..

وصدقني حولت من الترم الاول بكل سهوولة صح اني اجتهدت لكن الحمد لله الله وفقني ومافقدت الامل .. كانت قالبتني الملك سعود والملك عبد العزيز وطيبة وحايل .. كل هالجامعات قبلتني لكن تكرتها كلها ورحت لكيلة المجتمع ..

لااااا تفقد الامل حتى بعد ماتدرس سواءً كنت بالجامعة أو بالكلية .. كثيييييير سحبوا ملفاتهم تحطموا من ثاني او ثالث اسبوع !!



الله يوفقك ان شاء الله ونشوفك اوريا السنة الجاااية .. والله وناااسة راح اكون فريشمن واقولك ياااووووووريا خخخ (( امزح ))

 

السلام عليكم

شباب

اي كلية مجتمع ؟؟

يعني مداني ادرس في كلية المجتمع اللي في المدينة

واحول على البتروول
؟؟

وشكرا