cise 301 - 083

التحضير : ما اتذكر لكن اظنه كان يحضر كل محاضرة
طريقة الشرح : عادية جدا واقل من عادية واحيان تروح ثلاث ارباع المحاضرة وهو يستخف دمه
الكويزات : ما اتذكر
المياجر والفاينلات : طويلة وتحتاج وقت وكلها كان الوقت قصير جدا
القريد النهائي: D
الصوت: واضح
إضافات : ينفع للدوافير اما اللي يبي قريد من المادة يوخر عنه

 

Cise312

التحضير : كل يوم
طريقة الشرح : عادية على قد الدرس وتفهم اذا تابعت معه
الكويزات : سهلة وتتناسب مع المقرر ولا يتحدى الطالب بل يقيس مدى استيعابه للمادة ومتابعته لها
المياجر: زي الكويزات بس يبي لك تركز شوي
الفاينلات : لسه ما اخذنا معه بس اتوقع نفس الميجر
القريد النهائي: A
الصوت: واضح
إضافات : الدكتور اخلاق ويحترم الطالب وانصح به

 

Cise 301 093

التحضير : احيانا ... يمرر ورقة .. وبعض الاحيان يأخذه بنفسه ...

طريقة الشرح : جيدة ويعطيك الزبدة
الكويزات والمياجر و الفاينلات : متوسطة تميل الى السهولة ...
القريد النهائي: A+
الصوت: واضح
إضافات : الدكتور محترم واخلاق وتعامله حلو...

 

se 301 - 093
التحضير: كل يوم يحظر بورقة تمشي ع الطلاب
الشرح: مبسط ولو تتبع معه بتفهم
الكويزات: سهله وبالعاده تجي اكزامبل من النوت
المياجر: سهله إلى متوسطه
القريد النهائي: A
الصوت: واضح

إضافات:

بصراحه اشوف افضل واحد يدرس Se 301
عنده نوت مختصر ومفيد
وفيه اشياء كثير محذفه
واسألته من نوته

والقريد، ع قولتك تبي B+ لا تتعب
تبي A+ لازم تتعب
وانا ما تعبت وخذيت A الحمد لله وكل الي اعرفهم خذو قريدات ما خطرت ع بالهم بالصيف عند هالدكتور

واخلاقه طيبة بس فيه من طبايع الشياب < حب الهزئي

الله يكثر من امثاله

 

التحضير يومي
الشرح عادي .. مشكلته انه تخصصه فيزيا وجاي يدرس كنترول وانسترومنتيشن !!
طيب وحبيب ومحترم مرة لكنه مزاجي
ياخذ انطباع عن الطالب .. اذا أخذ انطباع ان الطالب داج .. ما بياخذ قريد وبيجلس ينكت ويستهبل عليه
اختباراته بسيطة جداً ومباشرة
القريد متوسط .. وحسب الكورس

 

الدكتور شايب وكبير في السن ،،

 

اخذت المادة في 83

التحضير :في اخر كل كلاس يحضر

طريقة الشرح : بسيطة جدا وعادية

الكويزات : ما فيه

المياجر: كنت اجيب فيها العيد واكون تحت الافرج بكثير لكن نوعا ما كانت سهلة.

الفاينلات :
كان طويل الله يهديه وجبت العيد بعد

القريد النهائي:
D ما احس انه اضاف شي هالدكتور

الصوت:
واضح
إضافات :

راح تسمع 3 كلمات عنده في الكلاس:
الراشد-بلوتوث- العريقي
المادة سهلات في الصيف معاه ولا راح تشيل همها ابد. انا طلعت فيها ب c لكن اهم شي اني ما انكرفت ولا طلعت روحي زي عند بعض الدكاترة الثانين. الملزمه اللي عنده طيبة جدا

 

الدكتور مثل ما قالو الشباب شرحه على قده و اسئلته من الكتاب يعني اذا عندك سليوشن راح ترتاح و في الاخير يعطيك قريد حلو

 

التحضير :كل يوم اخر الكلاس
طريقة الشرح : عادية وتفهم منه
الكويزات : افكارها من الهومورك
المياجر: افكارها تكون من اسئلة الكتاب اللي حددها
الفاينلات : نفس المياجر
القريد النهائي: B
الصوت: واضح انقليزيته لك عليها
إضافات : الدكتور جزء كبير من وقت الكلاس يضيع تنكيت وذب خاصة على السؤال الغبي او البسيط او اللي اجابته واضحة

 

شباب سؤال ..

هل الدكتور يدف ولا يعطيك على قدك ..!؟"
يعني ممكن واحد ياخذ عنده f ..!؟ولا كيف
الوضع سيء في ميجر ١ والله يستر ..

 

كيفه في cise 204 ?

 

CISE 204 - TERM 142 - lec

التحضير : نهاية الكلاس .. وشوي متساهل بالتحضير لكن اذا جيت متأخر راح يعلق على هالشي.
الشرح : من السلايدات, احيانا احسه فاهم المادة واحيانا لا لكن عشان ما اظلم الرجال يمكن من زمان مانزل الكورس .. بشكل عام شرحه يمشي الحال واسئلته على قد شرحه فحاول تفهم السلايدات والهوموركات وامورك في السليم بتكون .
الكويزات : سهلة نوعا ما .... يلمح لطريقة الكويز احيانا .. افهم السلايدات والفل مارك مضمون ان شاء الله يحذف كويز او كوزين نهاية السمستر .

المياجر : بين السهل والمتوسط لكن تقريبا نفس مستوى الامثلة والاسئلة الموجودة في السلايدات .
الصوت : الاكسنت ولغته لك عليها شوي لكن ينفهم عليه
القريد النهائي : اعطيه c+ شرحه يمشي الحال ويحاول يبسط الكورس للطلاب
الرجال كبير في السن وطيب واذا مزح معاك لاتزعل ونفس الوقت لاتفهي او تنشغل عنه لأنه راح يأخذ فكرة عنك و كل ماسئلته عن شي يفكرك ساحب عليه او مفهي ..

- لأن الكورس مايدرسه الا دكتور واحد فما عندك خيار ثاني لكن اذا تبي واحد يبسط الكورس وشرحه يمشي الحال نزل معاه ...
- القريدات ممتازة وعادل بدرجة كبيرة لكن الله يهديه ما يعلن توزيع القريدات +
يعطي بونص احيانا على اشياء سهلة+ يحذف بعض الكويزات السيئة + في الميجر الاول قال الي يجيب 90 او اكثر راح اعطيه فل مارك في اول كويزين وكان عند وعده .

- ماراح تطلع معاه بفايدة كبيرة من هالكورس لأن مثل ماقلت شرحه مب ذاك الزود
- في التصحيح احيانا يدف و احيانا لا فإذا توهقت لا تخلي السؤال فاضي حل على فهمك يمكن يعطيك جزء من درجة السؤال .

 

ISE 307 - LEC - TERM 151 ​

التحضير​

: كان يحضر في نهاية الكلاس لكن بسبب إن الطلاب يتأخرون وبعضهم مايجي الا بعد ثلث ساعة قام يحضر بداية الكلاس ونوعا ما متساهل في التحضير .. اهم شي لاتغيب عن كويز لأنه ماراح يعيده لك حتى لوكان عندك عذر ..يعني لو غايب عن ميجر يمكن يلقى لك حل لكن الكويز ما ادري ليش يصر انه مايعيده لو غبت . احفظ السيريال نمبر لأن الكويز والمياجر والفانيل لاتكتبه + و​

احيانا هو يغلط وهو يحضر ويعطيك غياب او تحضير فأنتبه وهو يسجل التحضير في ملف الاكسيل​

​

طريقة الشرح​

: من السلايدات وبإختصار أحسه هو مب فاهم المادة صح فيعني شرحه يمشي الحال وغالبا يحل المسائل الموجودة في السلايدات مع الطلاب فحاول تفهم في الكلاس عشان تختصر الوقت على نفسك .. عن نفسي كنت اذاكر بنفسي من السلايدات واحاول افهمها واحل الاسئلة الموجودة والحمدلله طلعت بقريد ممتاز .. يعني المادة تقدر تقول متوسطة لكن هو مسهلها يمكن لأنه مب فاهمها بدرجة كبيرة ..
​

الكويزات ​

: من الاسئلة والامثلة الي في السلايدات ونصيحة لاتضيع الكويزات تراها سهلة الي عليك بس انك تذاكر السلايدات وفي النهاية تحل الاسئلة والامثلة بنفسك لأنه يجيب نفس الاسئلة مع تغيير في الأرقام او احيانا مايغير الأرقام .. + ​

هو عطانا بس 4 هوموركات وكانت من الكتاب
​

اول كويز كان من اسئلة الهومورك فلاتسحبوا عليهم .

المياجر​

: مشابهة للأسئلة الي في نهاية السلايدات ( لأن هذي الاسئلة هي اسئلة اولداقزام ) + هو احيانا يوزع بعض الاسئلة من اولداقزام فحاول تحلهم لأن في الميجر الأول اذا مب غلطان جاب سؤال من الاوراق الي وزعها
​

الفاينلات ​

: على كلامه كان كومون لكن الي اشوفه ان الاسئلة كانت تشبه الاسئلة الي مخليها نهاية السلايدات وكان سهل الفاينل الي عليك بس تدرب وتحل بنفسك لأن ماتيريال الفاينل سهل لكن الحسابات شوي طويلة وعلى العموم هو ​

تصحيحه جيد مايدف كثير لكن احيانا يمشي بعض الأشياء​

​

القريد النهائي​

: ​

كشرح d+​

لكن للأمانة هو سهل الكورس بشكل كبير و​

لو احد جاب اقل من B+ تأكد ان التقصير من الطالب​

..الدكتور شرحه لك عليه صح لكن ترا اغلب الاسئلة كانت من السلايدات والاوراق الي يوزعها فالمفروض ان اغلب الطلاب يبدعون ..وهذا الي صار
​

افرج ميجر 1 و 2 كانوا في الثمانينات ...

الصوت​

: الاكسنت لك عليه ..الصوت متوسط يفضل تقعد قدام لأنه احيانا يعطي بونص للي جالسين قدام خاصة لو حس الطلاب ساحبين عليه او مب مهتمين بالكورس

إضافات :
- الكورس معاه سهل جدا لكن الي صار ان فيه طلاب فهموا غلط يعني لما شافوه متساهل ويحاول يبسط الكورس سحبوا على الكورس و فكروا مايحتاج تحل المسائل و الاوراق الي يوزعها وبسبب ان الكويزات والمياجر كانت مشابهة لأسئلة الي في السلايدات بعض الشباب الله يهديه قام يحفظ السؤال ويكتبه في الميجر او الكويز وماينتبه ان الدكتور غير في الارقام او جزء معين في السؤال فالنتيجة انه يجيب العيد.

- هو أفضل الدكاترة الموجودين من ناحية تبسيط المادة وتسهيلها على الطلاب لكن اذا انت تدور شرح فلا تنزل معاه .
- هو شخص كبير في السن وطيب ويحاول يمزح مع الطلاب فلا تأخذ سالفة جد اذا مزح معاك او قال مثلا يعطيك F
- على كلامه السمستر الجاي بيكون الكورس كومون في المياجر والفاينل فلو صح هالكلام نزل مع الدكتور الشريح لاتنزل معاه .

- حاول ما تتأخر او تغيب او تلعب على الجوال واذا قال سو شيئ سوه مثلا قال سو evaluation او قال بعطيكم سؤال وارسلوا حله على الايميل لأن وهو يحط القريد يأخذ هذي الاشياء في الاعتبار وتكون موجودة في ملف الاكسيل الي فيه التحضير والدرجات و اتوقع اكثر من طالب كان باقي له قليل على الي قريد الي بعده و رفعهم بدون مايراجعونه .

- يحذف أسوء كويز و أسوء هومورك ولو خذتوا 6 كويزات راح يحذف كويزين
- فيه عيب وهو التأخر في التصحيح + الهوموركات الاولى يعطيها بعض الطلاب عشان يصححونها وللأسف بعضهم يضيعها
صحيح انه راح يحذف هومورك لكن اذا انا كنت جايب 10 في الهومورك الي ضاع و عندي هومورك ثاني جايب فيه درجة سيئة ماراح استفيد من حركة حذف الهومورك وهذا الي صار معاي للأسف ..!!

هذا الرابط فيه :
http://www.mediafire.com/download/gln7gyf89r1sx8t/ISE_307_-_STKFUPM--sh.rar
- الاسئلة الي كان يوزعها وهي من اسئلة الاولداقزام .
- السلايدات الي يستخدمها وفي نهاية كل شابتر اسئلة مهمة حاول تحلها .

​

 

CISE 435 + CISE 423
أقدر تعاونه ورغبته في مساعدة الطلاب وله فضل علي في بعض الامور لكن كشرح مستواه أقل من العادي ولا تتوقع راح تستفيد لما تنزل معاه اي كورس الكتيف من التخصص

إيجابيات

---

- أسئلته على قد شرحه .
- البروجكت الي يطلبه غالبا ً يكون سهل ومقدور عليه .
- مايهتم بالتحضير كثير .
- هوموركاته قليلة .
- يدف على الخفيف في القريدات
- إذا خلص الشرح يمشيك حتى لو كان باقي اكثر من نص ساعة على النهاية .
- يقدر ظروف الطلاب ومتعاون .
مناسب للي هدفه يأخذ الكورس ومايهمه الشرح .

سلبيات

---

- الشرح أقل من العادي ويقرأ من السلايدات .
- الكلاس ممل
- في مشاريع التخرج والكواب برزنتيشن يدقق على أشياء مالها داعي فلو كان ضمن ال committee حاول تعطيه الريبورت والبرزنتيشن قبل البرزنتيشن بفترة كافية على الأقل اسبوع .

اما عن طريقته في المياجر و البروجكت فخليتها في موضوع تقييم 423 + 435

رفعت ملفات للكورسين في مواضييع التقييم
تقييم المقررات الدراسية - CISE

 

upppp

 

CISE 435 ( DCS)
التحضير : كل محاضرة نهاية الكلاس. سحبنا عليه مرتين وكنسل التحضير

طريقة الشرح : يقرأ السلايدات قراءة و كل شوي يشطح يسولف عن القسم وتنزيل المواد و عن الراشد

الكويزات : سهلة

المياجر و الفاينل: open pdf من كتاب الدكتور الشافعي قال لنا ان الاسئلة copy/past منها
بس فالاخير جاب اسئلة زيادة تتعب عشان تطلع الجواب والوقت ما يكفي.

القريد النهائي: D

الصوت: مشي حالك و إنجليزية ركيكة

إضافات : لا تنزل عنده, انا نصحوني و قالوا ما راح تطلع بفائدة لكن القريد كويس, لكن الواقع لا فائدة و لا قريد
لو يرجع الزمن بتأخر عن التخرج ولا انزل عنده.
.

 

.

 

CISE305-202
التحضير :متساهل فيه و يعطي غيابين مجانية ما قصر و مرات ينادي في الاسماء بحكم اون لاين و لكن مو مرة الرجال متعاون الصراحة و طيب
طريقة الشرح :شرحه اشوفه يفي بالغرض يعامل المادة كانها ماث يشرح القانون على خفيف و مو مرة يتعمق اشوفه ينفع لطلاب الISE اكثر لان مسهل المادة الله يعطيه العافية و ما ينفع حق طلاب الCISE لان يسحب على شغلات كثير و ما يشرحها لكن عموم اشوف شرحه عادي مو توب ولا سيء وسط او يمشي الحال
الكويزات :كوزاته صراحة سهلة ما قصر معنا و متعاون لابعد حد اهم شي لما تحل لا تتفلسف وخل حلك مرتب و بيضبطك
المد:المد صراحة كان فيه اسالة بسيطة و اسالة لا تحتاج وقت لكن اوفر اول متوسط يحتاج مذاكرة ما كان كومون
الفاينلات :كان اسهل من المدترم
القريد النهائي:اعطيه A
الصوت:واضح جدا
إضافات : الدكتور ينكت و حبيب و يلطف الجو و هو عامل مساعد انه يخلي المادة بسيطة ما يحب التعقيد انصح طلاب الاندستريال فيه