h1n1 والكلينك..!

قبل ساعه يا اخوان كنت بالكلنك عندي تحليل وكذا.

المهم بينما كنت بالمختبر والمختبر هذا عباره عن غرفه صغيره لاتكاد تكفي ل (6نفر) وطبعا مافيها الا 3 كراسي وكرسي رابع عند طاوله الممرض للي عليه الدور يسحبون منه دم يجلس عليه .

المهم بينما كنا (((متراااااااااصييييييييييين)) في هالغرفه وكل ماجا بيدخل احد لازم نتحرك كلنا.

فيه اثنين عيونهم تتقلب من المرض(شفاهم الله) واحد لابس كمام والثاني حاط منديل وباين عليهم تعبانين مره وفيهم شوي دوخه لدرجه اني (قمت من الكرسي وجلست واحد منهم كان واقف) خفت يدوخ شكله مره تعبان

المهم كنا جالسين لمده حوالي (ربع_نص ساعه) في ذالجحر (المختبر)

فجأه تجي الممرضه (فلان بن فلان) يقوم واحد نعم؟

((((وبكل بساااااااااااااااااطه تقول h1n1 روح للدكتور)))) .!

وياليتها وقفت على كذا.

انا طبعا خفت صراحه.

فجأه جتني الصدمه الثانيه (((فلان بن فلان))) نعم..!

((h1n1 روح للدكتور))

انا سويت كذا

يعني كنا حوالي 5 او 6 بالغرفه واثنين مننا فيهم انفلونزا خنازير..!

والله ياخوان ان هذا الكلام صدق وتوني طالع الساعه 11 من العياده قسم بالله اني ماكذب عليكم.

الا كاني سمعت غلط مادري..!

اللي قهرني ان الممرضه عادي جدا كأنها قايله يافلان ترا فيك شوي كحه..!

ماعطونا كمامات..!

ماعطونا ولا عطوا المريض معقمات..!

ما شوفهم سووا حاله استنفار وعقموا الغرف ((مثل ماكنت اسمع))

ياما سمعت قصص فلان جته حاله انفلونزا ومدري وش سووا المستشفى فيه..!

اشوفهم عادي جدا عطوه اوراقه وقالوا روح راجع الدكتور.!

انا احترت

مدري هل المرض هذا يعتبر مرض عادي وليس خطير ولا شي والدكاتره والممرضات عارفين هالشي عشان كذا ماتحمسوا ولا خافوا ولا حذرونا ولا طلعونا من الغرفه..!

ولا فعلا المرض خطير جدا لكن الممرضات نفسي نفسي دامهم لابسين عشرين كمام وعشرين دس على يديهم عادي ماعليهم مننا..!

مدري انا مخي عاجز عن التفكير واترقب الايام الجايه على خووووووف والله يستر لن يصيبنا الا ماكتبه الله لنا..!

الله يستر بس

 

والله ياخوي امير بكلمتي انا اذني قامت تصفر

شفت لما تجيب طرطعان وتولعه عند اذنك ماتجلس تصفر؟؟؟

انا يوم قالوا h1n1 حسيت اذني قامت تصفر من الصدمه مدري وش ماصدقت

واللي مخوفني انا محشورين 6 بالغرفه لمده حوالي ماتقل عن ربع ساعه والغرفه مره صغيره والله

واثنين من هالسته فيهم h1n1

المفروض ان نفس العياده يكون عند البوابه كرتون كمامات اي واحد يدخل ياخذ وحده

اوكيه فيه معقمات عالجدران بس ماتكفي لازم يوزعون كمامات مو بس الممرضات والمرضى بسلامتهم..!

نفس السالفه صارت لي بالصيفيه في مستشفى الشميسي بالرياض

جيت بدخل حاس بشوي حراره وتعب اول مادخلت لقيت السكيورتي لابس كمامه قلت مافيه كمامات قال لا..!

رحت للممرضه قلت لو اكسكيوز مي دو يو هاف ماسك؟؟((فلبينيه)) قالت نو وراحت

المهم دخلت عالدكتور قال لازم تروح قسم الانفلونزا بالمبنى اللي ورا عياده الاسنان

رحت لقيتهم حاطين قسم خاص كاتبين انفلونزا الخنازير وحاطينه بزاويه المستشفى..!

انا طبعا مادخلت ماني بايع عمري طلعت على طول قلت اكل لي حبتين بندول وانام احسن لي وفعلا كلت شوي بنادول ونمت يوم صحيت الاني مافيني الا العافيه

يعني تخيل لو انا دخلت؟؟

جا واحد بعدي ودخل؟؟

وجا عشرين واحد مافيهم اي شي مجرد شوي حراره ولا زكام ويدخلونهم هالقسم؟؟

كلهم بيطلعون حاملين المرض..!

يعني يمرضونا بدال يشفونا؟؟

وش هالتخلف.......!

ماقول الا حسبي الله ونعم الوكيل والله ان كل كلمه اقولها صحيحه وانا مسؤول عنها والله لايوفقني كاني اقول اشاعات ولا اكذب..!

 

لا قالت فلان

قال نعم

قالت h1n1 روح للدكتور..!

انا لو بتجيني عادي تجيني بس اهم شي لاتجيني وعلي كوز ولا ميجر..!

تبي تجي حياها الله الحين حدنا بالبدايه

 

انا هذاني انتظر الايام الجايه على احر من نار على علم>>حاس ام المثل

والله اني انتظر.

ومابنكسر صابر هع

 

يسفرونه يطيرونه يذبحونه ماعلي منهممممممممممممممم

اللي قاهرني ليييييييييييييييييييه مافيه حرررررررررص؟؟؟؟؟؟

ولا ينتظرون واحد يموت من المرض عشان طويلين العمر يتحركون ؟؟؟؟؟؟

اجل انا جالس نص ساعه بغرفه مترين بمتر ومعاي مريضين؟؟؟؟؟؟؟؟

والعياده عااااااادي جدا وبكل بساطه h1n1 وروح للدكتور وخلاص؟؟؟

لا بعد روح الدكتور يعني روح كمل اعدي كل اللي بالممر..!

ليه مايحجزونه بغرفه ويجي الدكتور ((طال عمره)) ويعالجه .!

 

قسم بالله السيب مليان اطفال وعجايز وحريم

ويقولون له اطلع للدكتور؟؟؟

عارفين ان المرض خطير خاصه عاللي مناعتهم ضعيفه مثل الاطفال والكبار بالسن ويقولون له رح للدكتور؟؟

ليه مايحجزوووونه ياخي وليه مايرشوون الغرف ببخاخ ديتول ويعقمونها

من جد العالم هذولي نفسي نفسييييييي

 

اخوي

انا الكلام كالآتي بالتفصيل
الممرضه:فلان بن فلان
المريض:نعم؟
الممرضه: h1n1 روح للدكتور

وش رايك؟؟؟؟

المريض خذ الورقه وراح ماقال شي لكن اللي كان جالس جنب المريض بغت تنط عيونه

كذا وخر راسه عنه.

حتى المريض كان باين صراحه انه تعبان ودايخ

 

وبعدين حتى لو ماعندهم مرض ولا شي

المفروض بوقت مثل هذا وباء عالمي منتشر وكل الدول اكدت انه خطير

وفيه منه حالات وفاه بغض النظر عن فلان جاه المرض وتشافى ولا لا الله سبحانه وتعالى بيده الحياه والموت والمرض والشفاء

لكن عالميا مجتمع عليه انه مرض خطير

المفروض اقل شي يكون عند الباب كمامات توزع على المريض اول مايدخل من باب العياده

وماعتقد المستشفى بيكلفه شي لاحط كمامات..!