? what is best answer for what are your salary expectation

بالنسبة لي اول شي ببحث عن الرانج حق الشركة للفريش وبناء عليه احدد الراتب اما اذا شركة مو معروف الرانج حقها بالنسبة لي اتواصل مع المهندسين اللي ف اللنكد ان واعرف بدأو بكم

 

انسألت هذا السؤال قبل فترة ..

جوابي كان كالاتي : من الصعب ان اعطيك توقعاتي عن الراتب لكن في المقابل بقولك راتبي الحالي بكل وضوح وشفافية بالاضافة الى ان الشركة لديها سلم رواتب وحد اقصى وحد ادنى.

في حال جاني عرض منكم اكيد بيكون بناءا على تقييمكم لخبرتي وشهاداتي وبالتالي اقدر اعطيك رأيي وقتها.

ملاحظة / حط في بالك حجم الشركة وقوتها والوظيفه نفسها ...اذا مهاراتك وخبرتك راح ترتقي معها لا تدقق كثير ع الراتب ...الفلوس بتجيك اجلا ام عاجلا ...

 

إذا أنت حديث التخرج ، ما عندك مجال كبير للتفاوض وغالبا ما عندك مجال نهائيا.
إذا أنت على رأس العمل فالوضع مختلف ، أول شيء تخليه ببالك أنه موظف الموارد البشرية مهمته الرئيسية بالتوظيف هي العثور على مرشح مناسب للشاغر الوظيفي وبأقل راتب ممكن يوافق عليه.
فإذا سألوك عن الراتب المتوقع بالبداية لا تعطيهم رقم نهائيا ولا حتى مدى معين لأنك فرضا لو قلت الراتب المتوقع من 10000 إلى 12000 ريال
أنت ببالك الحد الأعلى اللي هو 12000 لكن الموظف بباله 10000 لأنك أنت اللي قلت أنه مناسب لك.
عادة الشركات عندهم ميزانية معينة لكل شاغر وظيفي حسب عدة عوامل مثل نوع الشهادة وسنوات الخبرة فلو فرضا قلت رقم معين للراتب بيصير أحد الحالتين:
1- بتقول رقم أقل من أو قريب من الحد الأدنى وبيعطونك إياه
2- بتقول رقم أعلى من الحد الأعلى بفارق مب بسيط وبينهون الإجراءات معك لأنهم ما يقدرون يعطونك إياه

طيب والحل؟
الجواب المناسب هو لا أدري. بيسألك الموظف كيف ما تدري؟ وتقدر تجاوبه بأن الراتب جزء معين من العلاقة الوظيفية
وما تقدر تعطي رقم بدون ما تعرف التفاصيل كاملة ، فنوع الوظيفة والعقد الوظيفي والمهام المتوقعة إنجازها منك و مكان العمل والإجازات السنوية والرسمية وسياسة التدريب وساعات العمل وخارج العمل والدوام بالأعياد والتنقل للعمل والمكافأت السنوية والعلاوات السنوية والتأمين الطبي وغيرها تعتبر أجزاء مهمة من العلاقة الوظيفية.
وإذا عندك كل أو أغلب هذي المعلومات، وقتها تقدر تعطي رقم.
فمثلا لو يعطونك 3 أضعاف راتبك لكن أسبوعيا مطلوب أنك تسافر ، طبيعي ترفض لأنك ترغب بالاستقرار فرضا.
أو مثلا يعطونك نفس الراتب لكن أيام وساعات العمل أقل ، فممكن توافق لأن حياتك الشخصية والاجتماعية لها أهمية مثل الحياة الوظيفية.
فابتخصار جواب السؤال هو حسب الوظيفة.

 

عن نفسي كنت اقول في المقابلة رواتب السوق تتراوح من ٧٠٠٠ الى ١٥٠٠٠٠ فاتوقع شي في هذا الرينج
رينج شاطح ادري but cover all possibilities هههههه