إيش الفرق بين المتخرج من جامعة الملك فهد والمتخرج من الجامعات السعودية؟

أللي اعرفه ان الشهادة او الجامعة فقط مجرد جسر للوصول للوظيفة ..!
بعدها الواحد يثبت وجوده .. "الميدان يا حميدان!!!"

 

و جامعتنا جسر ممتاز جدا خصوصا إذا كان معدل الشخص أعلى من 2.5 صح المقابله شيء شخصي و يعتمد على شخصيه الأنسان و سرعه بديهته و صفاته الشخصيه المطلوبه للوظيفه لكن بوجه عام طالب البترول كسب الثقه في نفسه من خلال صعوبه المراحل الدراسيه

سؤال عالطاير :- ليه متخرجي الجامعات الأخرى .. أقسام الهندسه فئه كبيره منهم تحقد على متخرجي البترول ؟ و شخصيا قابلت مجموعه من هؤلاء .. و أعتقد الكثير قابل

سؤال ثاني عالطاير :- أتمنى من كل شخص يكتب رد في هذا الموضوع يحدد أسم جامعته علشان نتأكد هو بأي لون جامعي يكتب

السؤال الثاني راح يبين لكم أن فيه ناس كثيره من قئه السؤال الأول

 

شي جميل انه الواحد يفخر بجامعته, لكن من دون استصغار للغير, جامعة البترول تتميز بالتخصصات الهندسية, لكن جامعة فيصل افضل منها في ابحاث الزراعة وسوسة النخيل, وتتفوق ايضا بمجال الطب البيطري, جامعة عبدالعزيز فيها الدراسات البحرية اطلق من البترول الف مره, وكلية نايف الامنية تتميز بالدراسات الامنية اللي البترول تعد مثل الابتدائيه عندها, الكل يقدر يمدح ويذم لكن العاقل اللي يعطي كل مكان قدره من غير استصغار, افتخر بجامعتك لكن لاتنزل مستواها بأستصغار غيرها من الجامعات حتى لاتكون انت نفسك مأخذ على الجامعة

 

^^^

أنا تكلمت عن التخصصات الهندسيه فقط دون استصغار للغير و شكرا

 

ترى ما عندنا في الجامعة الا هندسة وادارة وعلوم وحاسب وتصاميم بيئة
مافيه لا زراعة ولا طب ولا بحري ولا امن

 

ههههه جدال لا ينتهي

اللهم لك الحمد يارب

 

بغض النظر عن الوضايف ..

انا يشرفني اكون خريج جاعة البترول و معدلي 3 من 4 اكثر من اني اكون خريج جامعة ( سعود _ عزوز _ القصيم ) و معدلي 4.75 من 5 ..

مو كرها لهم بس ايمانا مني ان البترول مو مثل الباقي ..

 

سبحان الله كانك تقول انه اللي يحضر خطبة صلاة الجمعة في المسجد احسن من اللي يحضرها في الكنيسة!!!!


اتصور انك ما تدري انه جامعة البترول ما تخرج لاعسكريين ولا دكاترة ولا مهندسين زراعة (تتطلب قسم يدرس علم احياء) ولا مهندسين بحرية.
طبيعي يتفوق عليها الآخرون في شيء ما تقدمه اصلا!


بغض النظر عن مدح او ذم الجامعات، جامعة البترول تعتبر جامعة صغيرها وعدد التخصصات المتوفرة جدا قليل وعدد طلابها صغير مقارنة بسعود او عبد العزيز.



من باب التذكير: الجامعة فيها 3 كليات تقدم تبرامج تخصصية للطلاب فقط:

كلية الهندسة (تنقسم الى كليتين في الواقع لسبب غريب لا داعي لذكره)
كلية الادارة الصناعية
كلية العلوم (قسم الرياضيات - قسم الفيزياء - قسم الكيمياء - قسم الجيولوجيا)


مثل ما لاحظت، مافيه كلية آداب، مافيه كلية لغات، مافيه كلية علوم طبية، مافيه كلية شريعة
(مواد اللغة العربية والانجليزية والدين تابعة لكلية الدراسات المساندة، لا تقدم برامج تخصصية)



النقاش كان عن اي الجامعات افضل في التخصصات المشتركة او المتوفرة في باقي الجامعات

ارجو تقبل مداخلتي

 

الاخوان اللي ردو عن تخصصات الجامعه, اعرف تخصصات الجامعة, ومقارنتي لها بغيرها من الجامعات بتخصصات مختلفه كان المقصود منها اظهار ان كل جامعة لها تميز خاص بها, حتى حين المقارنه لتخصص معين, مسألة استصغار الغير من جامعة ثانيه كلام مأكول خيره, نعم البترول لها تميز لكن تميزها لايلغي وجود باقي الجامعات, وهنا اتكلم عن التخصصات الهندسية, عدد الساعات المطلوبه للتخرج متقاربه, نوعية المواد المغطاة للدرجة العلمية ايضا متقاربه, كون جامعة البترول تلتزم بنمط تدريس يعصر طلابها هذه ماهي ميزه بقدر ماهي عائق, والدليل هو التصنيف العالمي لمخرجات الجامعة سواء البحثيه او المنجزات, اعرف طلاب تركو البترول والتحقو بالبعثات, معدلاتهم كانت تراوح بين ال2 و ال2.5 في البترول وفي دولة الابتعاث معدلاتهم ماتنزل عن 3.5 هل معناته ان جامعات مصنفه في التوب 50 هي اقل مستوى من البترول؟؟ لا البترول تضغط طلابها, والسؤال هل هذه ميزه!! رأي الشخصي انها ماهيب ميزه, ودليلي انه مافي انجازات تدل على انه هذا النمط مفيد اكثر من الاسلوب المنفتح في التدريس, اعيد كلامي, جميل انه الواحد يفخر بجامعته, لكن ماهوب الى درجة استصغار باقي الجامعات وخريجينهم من باب حنا نفهم اكثر وحنا نشتغل اكثر وحنا لنا سمعة بين الشركات, وخذوها من واقع معايشه, المعدل, الشخصية واثبات الذات هو فقط ما يميزك, اشتغلت مع العليان فتره وشاركت معاهم بسعودة ثلاث اقسام كانت السيطره فيها على هنود, باكستانيين ومصاريه, وما انقد على هذه الجنسيات لكن السعودي احق بالعمل في بلده, وخلال ذيك الفتره ماتم التفريق بين خريج بترول وخريج فيصل الا على اساس المعدل وشخصية المتقدم ودرجة استعداده للعمل,وسلامتكم.

 

+1

بارك الله فيك

ياليت الجميع يفكر مثل تفكيرك

 

الكلام هذا في السابق الان في جامعات اخرى اثبتت نفسها بل تفوقت على البترول

 

ما اظنك قابلت كل, او حتى نسبة كبيره, من خريجين الهندسه من باقي الجامعات حتى تطلع بالنتيجة هذه! لغة التعميم المرسلة هي لغة غير المتعلمين, اظن على كلامك هذا نبي نحسب نقطه ضد جامعة البترول اذا هذا مستوى خريجينها
التجارب الفرديه لايمكن تعميمها الا في وجود احصائية تدعمها واللي انا متأكد منه انه مافي احصائيه تدعم رأيك الشخصي


انا خريج جامعة انديانا, كيللي سكول اوف بزنس, لها ترتيب عالمي في التوب 50, مرحلة لسه البترول ماوصلتها, افخر بنفسي كمواطن سعودي وافخر بجامعة البترول من دون استنقاص من باقي الاخوان المتخرجين من باقي الجامعات, واكتب بلون اخضر طال عمرك

----------------

عذرا عزيزي .. توني قرأت ردك اللي كتبته بداخل ردي عموما ...

المثل بالمثل و الضد بالضد .. أنت أيضا استخدمت نفس أسلوبي و عممت على جميع متخرجي الجامعه بأن مستوى خريجينها نفس مستواي و هذا شرف لي , المشكله أنك استخدمت حجه التعميم و أنت عممت أيضا ( اللون الأزرق أعلاه )

تأكد أن هدفي ما هوب اصطياد اخطائك لكن حبيت ابين ان التعميم ورد منك أيضا فقط لا غير

للمعلوميه .. قد تبدو لغه حواري شاده و متعصبه للبترول رغم أن علاقه الحب بيننا سطحيه و شبه معدومه , أنا لست ضد خريجي الجامعات الثانيه و كما قلت أنت فبعضها متميز في مجالات حنا ما لنا دخل فيها اصلا مثل الأمن !! الزراعه !! الطب !!

عتبي ليس على الطالب الخريج من الجامعات الثانيه و لكن هو عتب محب على مستوى الجامعات الثانيه فالتعليم .. بالمناسبه أنا لما أقول الجامعات الثانيه أقصد الجامعات الحديثه ذات الأسم المناطقي و اللي صارت كثيره .. لكن دون المطلوب ..

في رد آخر تحدثت أنت عن التصنيف العالمي للجامعات .. نقطه بسيطه كم عدد التصنيفات العالميه للجامعات ؟ و على أي أساس توضع ؟

http://www.okaz.com.sa/new/issues/20110816/con20110816439886.htm

http://www.aleqt.com/2008/10/14/article_158447.html

و هذا موقع لأفضل 400 و لا جامعتنا فيه و لا جامعه الملك سعود فيه

http://www.timeshighereducation.co.uk/world-university-rankings/2011-2012/351-400.html


غمزه جامعتك ترتيبها 123 و ليس فالتوب 50 و شكرا

 

حياك, انا استخدمت التعميم ضد الجامعة بناء على كلامك وقلت على كلامك هذا ... والا انا ماعممت بقصد انه هذا رأي

تفصيلي للتخصصات اللي مالها علاقة بالبترول هو للتوضيح انه هناك تميز ما بالجامعات الثانية, وانه العلاقة ماهي تفاضليه بقدر ماهي تكامليه بين مخرجات الجامعات, واخيرا الحكم على جامعة بكونها افضل او خريجينها بأنهم افضل من غيرهم يتم بناء على المخرجات البحثية والعلمية, ماهوب بقدر تفضيل قطاع معين من قطاعات الاعمال

بالنسبة للتصنيفات العالمية, فيه عدة تصنيفات ونظرتك للتصنيف تعتمد على نوع التصنيف, الحقيقة اللي نغفل عنها انه مافي وجود لجامعة تكون الافضل في كل شي, وعلى الاساس هذا يتم تقييم الجامعات حسب المخرجات البحثية والعلمية ككل, لكن فيه تصنيف حسب البرنامج, يعني مثال هارفرد بالقانون, وارتون بالفاينانس, بردو بالهندسه,,

غمزتك جميله لكن انت نظرت لتصنيف للجامعة ككل, لكن البرنامج اللي انا فيه ترتيبه ل2011 هو 11 http://www.uscollegeranking.org/business/top-accounting-graduate-school-rankings-in-2011.html
ولو بتبحث عن كيللي, الكلية بتلقى انها من التوب 50 في امريكا للبزنس, وانا ما افخر بالجامعة او الكلية بقدر ما افخر بكوني سعودي قدر يدرس ويتخرج (بأذن الله) منها.

تقبل تحياتي, وحاول تمد اواصر المحبة مع باقي الجامعات​