هل نحن في جامعة الفهد .. ام شيكاغو .. الى من يهمه الامر

الللللللللللللله يعين ويحفظ الجميع ...

يعطيك العافية على التنبيه وياليت بس لو مطرح بعض الحلول عشان نحل المشكلة بدل ما نضع اللوم على أحد معين صح ولالا ؟

الف شكر لك يا درع الجزيرة على التنبيه وما قصرت

=============================================

بعدين تعال وش فيها شيكاغو ؟؟؟ ترا كل شي إلا شيكاغو لوسمحت

 

أذكر و أول ما دخلت الجامعة

لما كنت أقرى النشرات الي نشرتها الجامعة

الجامعة غير مسؤالة عن أي ضياع

الجامعة غير مسؤالة عن أي سرقة

الجامعة غير ....

السؤال الي يطرح نفسه أجل

شدور الأمن

أنا مو جاي أحجج أو شي بس حب أعرف و ياريت أعرف الجواب ^^

 

مشكور يا أخوي على التنبيه

والان يجي معرف ادارة الأمن والسلامة ويحط الخطء علينا ...

وكأن الطلاب هما اللي اختارو النوافذ اللي يمكن فتحها من الخارج

الله المستعان

 

ياشباب تكفووووووووووووووووووووووون ..

تكفا ترا تكفا تهز الرجاجيل ..

حنا نبغا الحين حلول للمشكلة عشان نتفاداها صح ولالا ؟

الحين كل واحد بيقول هاذي مسؤوليه مين بعدين يتحور الموضوع إلى مناقشة ثانية صح ولالا ؟

نرجع ونقول تكفون يا شباب نبغا حلوووووووووووول ، كل واحد الحين يعصر مخه ويعطينا من افكاره الجهنمية <<<< كيف التحميس يجي مدرس

 

<<< هلا يا صارخ ترا من زمان عنك والله :wup:

نرجع للموضوع ..

شباب اعتبروا مثلا انه مافي ادارة امن وسلامة ( طبعا يا شباب هاذا مثال فقط ) مع احترامي الشديد للإدارة وعلى رأسهم الدكتور ناصر الله يحفظه ..

ايش ممكن نسوي احنا كطلاب لمعالجة هذا الامر ؟

والله لو تجي فكرة معينة و ندرسها تمام ونرفعها للمدير صدقني ممكن تطبق على طول ..

 

الأمن مب فالح إلا في توزيع مخالفات .. أو مداهمات لغرف الطلاب علشان محول ميتين وعشرين بس

وكأنها الهدف الرئيس من إنشاء ادارة الأمن والسلامة .. أما عن السرقات أو الأمور الطارئة اللي تستدعي تدخلهم

نلقاهم وللأسف آخر من يعلم بهذه المصائب ولايهتمون بقدر اهتمامهم بالكلبشات والتذاكر الوردية من أبو مية وميتين..

مصيبة نوافذ الدور الأول .. يجب علينا كطلاب إيجاد حل لها .. الأمن والله ماهو سائل فيك إلا إذا كنت في موقف يستعدي إنك تعطى مخالفه غيره الله يخلف !!

 

السرقات حتى على الاشياء التافه كمان ،،
قبل يومين رحت الدورات الله يكرمكم وحطيت الصابون جنب المغسله ... وبعد ماخرجت ادور على الصابون اختفى
قلت امكن بعد شويه يرجع واحد اخدو بالغلط ولا شي !!!!
طلع انسرق الصابون المسكين ولسه جديد

ادا الحراميه سرقو صابون ،، اكيد راح يسرقو غرفه

 

أنا بصييييييييييييييييييييييييييييييييييييييييييييييح


يا شباب لو سمحتوا نبي حلول يعني اي واحد يرد يتكرم ويخترع حل من عنده بد التذمر الله يوفقكم وانشاء الله تجيبون +A في كل المواد <<< يارب :blushing:

 

طيب انا أتكفل أجيبلك كرتون صابون وش رايك ؟

بس تعطيني حل للمشكلة

 

لا حول ولا قوة الا بالله

انا اشوف ان واحد يسوي تحقيق مع الشباب اللي انسرقت غرفهم
و ينشاف "العامل" المشرتك بينهم ><"
يعني مثلا اذا في عامل دايم يمر عليهم او ينظفلهم غرفهم أو حتى يغسل سياراتهم
لأن الي سرق اكيد عارف ايش في الغرفة و برضو الاوقات اللي تكون فيها فاضية !!!!

الحل في نظري ان اي واحد قبل ما يخرج من غرفته يفتح الانوار و يقفل الشبابيك و الستاير
و يكون احسن لو يخلي التلفزيون شغال على اي قناة بحيث يكون الصوت مسموع من برا
و يُفضل قرآن .. كمان القرآن يسوي شغل ^__^

<< مسوي فيها كونان

 

وأول الحلوووووووووووول وصلت ..

ممتااااااااااااااااااااااااز

والله فكرة حلللوة ويجي منك كونان ..

يا خي انتا ملك

ننتظر حلول زيادة يا شباب

 

طلاب حيتخرجوا من هالجامعة وما يبتكروا حل لهذي المشكلة ما يستحقوا لقب مهندسين

رأي شخصي

 

عندي كم سؤال:

# الأشياء اللي تنسرق أيش تكون غالبا ؟؟ (خفيفة, ثقيلة, غالية, رخيصة,.........)

# أيش الأوقات اللي غالبا تحصل فيها السرقات ؟؟ (وقت الدوام,آخر الليل,...........)

# السرقات غالبا أين تكون ؟؟ (اللاينلات, العمايرالقديمة, الدور الأرضي, ............)


لا أحد يجاوب وهو يعتقد لأننا نريد أجوبة (حقيقية)

معرفة المشكلة من جميع النواحي هي أول خطوة لحلها.

لاحظوا كلمة غالبا في جميع الأسئلة !!

 

حلو حلو يا سكولر ..

هاذي البداية والحمدلله بدينا صح ..

الحين ننتظر من أخوي درع الجزيرة أو أي شخص واجه هاذي المشكلة يجاوب

 

يعجبني التفكير
ننتظر المسروقين :P

 

يعتمد... اذا كان السرقة في الاجازة.. الخفيف والتقيل يرووح

واحد من الشباب انسرق عليه جهاز من الغرفة بكل شي معاه.. وبكرتونه كمان !!!
وفي ناس كتير انسرق منهم جوال لابتوب... ((اشياء خفيفة في اوقات الدراسة))

مافي وقت محدد.... غالبا السرقة تصير وقت ماصاحب الغرفة يخليها مفتوحة!!

كلهم.. انا اعرف واحد انسرق من اللاينات.. وواحد تاني من العماير القديمة..



الخلاصة...
انواع السرقات على اتنين:

السرقه اللي لمن يترك صاحب الغرفة الباب مفتووح... وهذه حلها بسيط ان كل طالب يقفل غرفته.. وهو المسؤول الاول والاخير عن السرقة

اما السرقات التانية.. وهيا لمن تروح بيتكم في الاجازة او الويكيند وترجع تلاقي الغرفة مسروقة.. والباب مقفل .. وكل شي سليم .. يعني لافي خدوش ولافي تكسير ولا اي شي...

هنا المشكلة العويييصة اللي لازم تحل عن طريق الاسكان..


لان المشكلة هنا انه في اكتر من طالب عنده مفتاح الغرف اللي كان ساكن فيها من قبل..
يعني الشغلة مو صعبة..
والحل يكون بتغيير الكوالين تغيير عشوائي... والتغيير لازم يكون كل ما يتغير الطلاب الساكنين في الغرفة او كل ما يجي واحد جديد للغرفة...
وطبعا تغيير الكوالين مو معناه اننا نجيب واحد جديد؟؟ لا طبعا..

ممكن التغيير يتم بين الغرف نفسها في العمارة الوحدة او بين الغرف في العماير كلها...


بس اهم شي ان الطالب اللي كان ساكن قبلي ولو معاه مفتااح.. المفتاح ماراح يفيده..
واصلا ما راح يعرف مكان الغرفة الجديدة للمفتاح اللي معاه!!!!!!

 

بسم الله الرحمن الرحيم


وعليكم السلام ورحمة الله وبركاته



جزاك الله ع التنبيه يا مسؤول


بالنسبة عن الحلول يا مهندس


عندي حلول لكن هلى إدارة الجامعة توافق عليها


1- يقوم الطالب بوضع شبك حديد أو خشب بنفسه من الخارج أو الداخل

2- بالنسبة لشباب الكهرب فيستطيعون تصميم جهاز إنذار و إقفال مركزي بسيط ويمكنهم ربطه مع جرس حريق و لابأس بأن تضعه(الجرس) قرب الباب من الخارج.

3- ركب زرفونه (مزلاج) من الداخل أو الخارج حتى لا يدخل من عند مفتاح إحتياطي

حلول بسيطة تقليدية ولكنها مهمة

 

الدور الاول في العماير يشوفو لو حل في الطياق ،، يحطو شبك مثلا ولا يحطو زرفانه من جوة الغرفه او قفل الواحد يقفل الطاقه وقت مايبغى،،، وتكون مقفوله مزبوط مو زي الوضع الي دحين

الطاقه تنفتح سلام سلام

تحياتي

 

حلو حلو

كلام منطقي 100%