أفضل المشاركات: أشياء تعلمتها في ترم 153

السلام عليكم ورحمة الله وبركاته…

كيف حالكم يا إخوة ؟ وكيف استعدادكم للفاينل ؟

طبعا الترم الصيفي 153 شارف على الانتهاء ، وهذا يعتبر ترم مختلف لأنه جاء متواصل بدون عطل.
فكرة الموضوع هي إن أي شخص درس خلال هالترم يضع لنا فائدة خرج بها منه ، حتى نقدر نستفيد منها.

يلا أعطونا الفوائد اللي طلعتوا بها

 

1- مهما كانت المواد اللي نزلتها لا تنسى ان الفاينلات ورا بعض بالصيف يعني احتمال كبير تختبر مواد بنفس اليوم لو نزلت اكثر من مادة ..

2- ما فيه شي اسمه ماده سهله بالصيف , كل المواد يبي لها متابعه واهتمام .

3- صعوبة المادة تختلف باختلاف دكتورها

4- بالصيف ما فيه راحة لو موادك كثير لكثرة الواجبات والكوزات بحكم ضغط الوقت.

5- بالصيف حاول تخلي المباني قريبه من بعض لشدة ارتفاع درجة الحرارة , بعض الناس تتحملها وبعضهم ما يقدرون.

6- فيه بعض المدرسين بيتغير تعامله فجاه وقت الايفالويشن ويصبح كالاب الحنون خوفا من التقييم ,

 

إذا بتنزل مادتين ثقيلة ، حاول تكون وحدة منهم ميدترم ، والثانية مياجر. كذا تكون الاختبارات بعيدة اشوي عن بعض ، وعندك فرصة تستعد لهم مضبوط

 

1 - تركيزك على الدراسة حاول إنه ما يلهيك عن تطوير نفسك والمهارات الشخصية .. و إذا كنت ضعيف في جانب معين لا تعتقد إنك راح تتطور مع الوقت بدون ما تحاول .


2 - الجامعة ممكن تكون ممتازة في الأمور الأكاديمية لكن في الأمور الإدارية فيه تقصير من بعض الإدارات وإذا أحسنت الظن بقول عن الوضع سوء تنسيق والمتضرر الوحيد هم الطلاب وفي الجامعة اذا عندك معاملة لازم تتابعها بنفسك لأن في ناس ماتبي تشتغل واذا اشتغلت جابت العيد وعشان ما اظلم البقية فيه ناس تشتغل ومتعاونة لكن الي مايشتغلون عددهم مب قليل .


3 - في الشغل والدراسة .. لاتنتظر شكر أو مدح أو احد يرد الجميل , سو الي عليك واحسن لغيرك ولاتتوقع انك راح تحصل نفس المعاملة لو احتجت المساعدة من نفس الشخص الي ساعدته ! وتذكر ( خير الناس أنفعهم للناس ).


4 - في الفريشمان والسفمور مثل ماتركز على الدراسة حاول تطلع على تخصصك هذا الشيئ راح يخليك متحمس لدراسة تخصصك و تكون فاهم ويسهل عليك استعياب مفاهيم جديدة بالنسبة لك .


5 - الشركات لما يتوظف او يتدرب عندها شخص و يكون مستواه عالي ومجتهد .. هالشي يشجعها إنها تفضل خريجي او طلاب الجامعة الي متخرج منها الموظف المجتهد ... فنصيحتي يا شباب في التدريب أو الوظيفة حاولوا تعكسوا صورة طيبة عن الجامعة وتجتهدوا في الشغل لأن هذا الشي راح ينفعك في الشغل اول شي ونفس الوقت راح يفتح فرص توظيف أو تدريب لبقية طلاب الجامعة و العكس صحيح .. بعض الشركات ألغت برامج التدريب او غيرتها بسبب تصرف من شخص او اهماله والصورة السيئة الي خذوها عن طلاب جامعته .


6- في الجامعة 3 فرص لاتضيعها : 1- التبادل الطلابي 2- التدريب الخارجي ( لو حصلت لك شركة ممتازة ) 3- الزيارات الدولية. راح تستفيد كثير سواء من ناحية الدراسة و الأمور الثانية .

7 - حاول تبتعد عن الروتين وتجرب اشياء جديدة بإستمرار سواء لها علاقة بالدراسة أو لا ..لأن لو ضليت ع الروتين فترة طويلة ماراح تتقبل أي تغيير حتى لو كان بسيط وفي صالحك .

 

1- لا تسمع كلام احد (مادة تصلح للصيف ومادة لا) لان ف النهاية القدرات تختلف من شخص للثاني

2- ذاكر اول باول لان اذا تاخرت غالبا بتكون متاخر طول الترم

3- حاول انك تجمع درجات قد ما تقدر في المياجر والكلاس وورك واللاب اذا فيه، لانك اذا منزل اكثر من مادة بيجي الفاينل ومالك خلق تذاكر

 

# الانجلش مادة صيف باحتراف
# كان عندي فكرة خاطئة عن الصيف انه سيئ لكن اتضح لي العكس
# حاول ترتب وقتك وما تخلي عندك وقت فراغ عشان ما تمل
# لا تنزل صيف وانت متردد عشان ما تضيع وقتك وتحذف بنص الترم
# لا تنزل 9 او 8 ساعات الا اذا انت خريج او مضطر
محدثكم منزل 6 ساعات

 

*الفصل الصيفي ليس بالسوء اللي يصفه البعض

*النوم مهم جدًا و تنظيمه أهم و الإفراط منه كارثة
النوم يعتمد على الـQuality و ليس الـQuantity

*لا تشغل نفسك بالافرج

 

1- لا تعتمد على الدكتور أبدًا لا في الشرح ولا في الدرجات وذاكر بنفسك.
2- الوقت كالسيف إن لم تقطعه قطعك. *كالصيف
3- لا تقول أنا ما عندي إلا مادة أو مادتين راح أنجح بالراحة.

 

1- الصيف فرصة ذهبيةلرفع المعدل .

2- لكل مجتهد نصيب , والي يذاكر ويعطي المادة حقها راح ييحصل الي يسره .

3- إنك تنزل ماث وتاخذ قريد عالي مو شي مستحيل

 

ألصيف فرصة للي يبي يرفع معدله

 

انتبه تهمل في الصيف وما تذاكر ، ثم تجيب درجات سيئة وتضطر تحذف الصيف

راح يكون الوجع وجعين: وجع الدروب ، ووجع ضياع شهرين من عطلتك بدون فائدة على خطتك الدراسية ومعدلك

 

1- إذا بتنزل مادة في الصيف اعمل حساب أنك راح تبذل جهد أكثر وبتضحي بقريد ولا قريدين ، احسبها صح إذا ما بتستفيد لا تنزل صيف .

2- في الصيف ابدأ مذاكرة من أول يوم .

 

1- لا تنزل مادتين من النوع الثقيل .
2- ذاكر من أول يوم لأنك بتكتشف ان الميجور قريب

 

1- لا تنزل مادة تعتمد على الحل الكثيرعشان الفهم
الا اذا بتحل مسائل نفس عدد الترم العادي في نص الوقت
2- الترم بيمشي بسرعة لا تنتزر الميجر يقرب عشان تذاكر ذاكر لين ما يوصل الميجر
3- اهم شي اذا كنت من الناس اللي ما يهتمو في الكويزات والكلاس ورك نزل عند استاذ يدف في الكلاس ورك

 

لا تنزل مادة افرجج ,,,, الناس تسوي دروب كثيرررر والافرج يطيرررر ويصلخونكم فاينل محترم

 

1- تنزيل مادتين تخصص ليس صعب جدا
2- هناك متسع كبير من الوقت تقدر -تفلها-و تذاكر بشرط ألا يكون عندك لاب
3- * للكميكال* CHE 304 & CHE 300 are perfect together

 

-

 

-


أكل العنب حبه حبه

 

راح أبدأ بأول فائدة استفدتها:
١. لا تعتمد إن مادة ICS 103 سهلة في الصيف