الظاهر يسمح، أنا شفت طالب حضر أكثر من مره لكن كان ينتظره برا الكلاس ويكلمه قبل لا يدخل..
لكن صدقني اذا عندك سبب مقنع ماظن انه بيرفض

لكن لازم انبهك انك لازم تاخذ موضوع الكتابة بجدية، يعني اذا طلب مقالة أو رسالة اكتبها بجدية وابذل اقصى ما تقدر، وبعد ما يرجعها لك راح يطلبها آخر السمستر علشان يحط الدرجات، وراح يقول حاولوا تعدلون اخطائكم، انت حاول تعدل اخطائك في ورقه ثانيه وتدبسها فيها اذا جيت تسلمها علشان يعطيك درجة أفضل..

 

طلبات الاستاذ كثيرة ولا فيه زيادات عنده وطريقته يقول لك انت سوي الشي لحالك بأفضل ما يمكن واذا ما عجبه يقول لك اعد
بمعنى اخر
الله يعين اللي ينزل معاه
وتقييمي له انه يستاهل f

 

^^^^^^^^^^^^^^^^^^^^^^^^^^^^^^^^^^^^^

 

^^^^^^^^^^^^^

اف بلص

بتحس انك

منزل انجلش 214

مو عربي

 

ياشباب اذا عن القريد أقولك يدف قريدين (قريدين) أقولها للأمانة
اما اذا السمستر اللي يجي يتغير ماأدري

لــــــــــــــــــــكــــــــــــــــــــــــــن

الرجال يبي شغل يعني سكشينا كتبنا يمكن 7 كتابات من مقال ورساله وتقرير الخ

و واحد اعرفه ما كتب الا تقرير ومقال يعني حاجة بسيط


اذا انت تبي تشد حيلك معه من بداية السمستر أقولك وتكتب معاه أول بأول راح ترتاح لأنه السمستر هذا طلب معنا كل الكتابات أخر شهر فضايقتنا شوي بس بالنهاية قريدين من عنده
الله يجزاه ألف خير.

 

الدكتور محمد

بصراحة دكتور من أفضل ما يكون .. أخلاق واحترام وحبوب .. وحصة لطيفة ما تحس فيها .. من أفضل أساتذة العربي في الجامعة ..

بس عيبه كثرة طلباته .. خصوصا في مجال المقال .. بس لما تشتغل معاه خطوة خطوة .. صدقني ما راح تحس بأنه غثيث ..

وأهم شي عند الطالب الجامعي .. اللي هو القريد .. قسم بالله دكتور بطل .. زاد كل واحد فينا قريد في المياجر .. في الميجر الأول زادنا درجتين .. وفي الميجر الثاني 3 درجات .. غير أنه يعطينا وقت الكلاس مسابقة في مجال المادة .. وتكون على شكل مجموعات .. واللي يجاوب عليها صح يعطيه درجتين .. حتى في واحد من السكشن حقي أخذ زيادة 6 درجات من هالمسابقات .. يعني 6 + 5 = 11 درجة بونص .. وهذا كله غير بونص الفاينال وبونص أعمال السنة ..

ميزة ثانية .. أحيانا يغيب لأنه عنده ارتباطات ثانية .. ونادر أنه ياخذ 50 دقيقة .. يخلص الكلاس قبل وقته بالعادة ..

أنا واحد من الناس الكثيرة اللي أخذت عنده +a في ترم 092 ..

 

^^^^

 

هي كلمتين .. صح انه يكرفك ,, بس يعطيك قريد ادخل على موقعه وشوف قريدات الترم 92
يدف دف مو طبيعي .. وغير كذا الانسان محترم لابعد حد.

 

طلباته كثيرة مخلي الماده انقلش 214

 

التحضير : في آخر المحاضرة وأحيانا ينسى يحضر
طريقة الشرح : فوق الرائع
يناقش الكتابة بشكل عام وأساليب كتابة المقال وكيف تقوم المقال وتنتقده والخطوات اللي تتبعها عشان تكتب اي مقال
الكويزات : مقالات بسيطة للمتابعة مع الطلاب وتقرير ومقال نهائي ويشترط انه موثق بالمصادر ( يعني فيه تعب عليك يالطالب)
المياجر: كومن
الفاينلات : كومن
القريد النهائي: a+
الصوت: واضح ومسموع
إضافات : يعطي أب قريد فقط
ان كان فيه مادة تستحق انك تتعلمها 100 % وأكثر وتطبقها وتستفيد منها عليك بهذا المدرس
​

 

الردود متناقضة بقوة
ياواحد مقيمه ب f
او واحد مقيمه ب a

 

^^^
خذ الآفرج

نزلت معه السمستر هذا والله يستر...

 

من دخلت الجامعه عام 2008 ,, قريت عنه وقلت لازم انزل عنده خصوصا انني من هواة الكتابة

بإذن الله بنزل مادة 201 معاه قريبا

 

الصراحة المدرس اخلاق بس عيبه يكرف الطلاب
يبي تقرير و تلخيص و رسالة إدارية
وكل كلاس جروب واشتغل
الصراحه الواحد يبي يريح بمواد العربي والاسلامي

 

من جد

 

مدرس بوجهين حقيقةً.......اللهم يا كافي البلا
الله يستر علينا وعليه....
اللي عنده صبر ايوب ينزل عنده

 

تبي تعرف ليه الردود متناقضة!!........
ماهي غريبة عن مدرس بوجهين...
يا كافي البلا

 

^^^
وانا معاك يا اخوي الفريق الاول انا من الناس الي انصدمت فيه صراحه والمصيبه كانت الصدمه بنهايه السمستر هذا ترم 101 في بدايه السمستر انسان ثاني ولما جا اخر اسبوع بدا يتعامل مع الكل باسلوب ما حبيته صراحه وكان في ظلم كبير بالقريدات ولاحظت ان في سكاشن فوق وسكاشن تحت والله لا يسامحه على ظلمه اذا كان بقصد وشكرا وما انصحك تنزل معاه .....

 

ولا ازيد عن كلام الأخوان شي .. فعلا مدرس متناقض بشكل عجيب

يتعامل مع كل سكشن بطريقه .. ويتعامل مع الطلاب بدايه السمستر بطريقه واخر السمستر بطريقه ثانيه .. واكثر من كذا طريقته تختلف من سمستر لسمستر ..!

نتمنى له الشفاء العاجل ..!

 

شباب اتقوا الله فيما تكتبون
=================================
اذا خلينا القريدات على جنب
واحد من افضل 3 دكاترة مروا علي بالجامعة
كلاسه ممتع لابعد درجة وما تحس فيه بالوقت
يناقش ويفتح مواضيع حلوة
يكرف بس انا عن نفسي استمتعت بكرفه
اللي يقولون انه بوجهين
اعتقد بكل بساطة لانه حبيب وطيب لكنه رفض يقبل اغلب الاشياء المطلوبة من اللي تاخروا في تسليمها واعتقد ان هذا حقه
يعني اذا كان الدكتور حبيب لازم يقبل انك تتاخر وتبزوط ؟!!
هو ستركت بهالنقطة بس
انا عن نفسي بالذات بهالمواد ما يهمني اللي يلتزم بالمنهج
ولا حتى القريد يهمني بقد ما يهمني شخصية الدكتور واهتمامه بالطالب
اذا كنت تبي دكتور يمسك لك الكتاب ويحدد لك كلمة كلمة لا تنزل معه
غير كذا الدكتور يقول لو اهتميت بال 15 درجة اللي بيدي مستعد اعطي a+ لو انك اقل بالاختبارات
=============================
مشكلته صراحة انا ما عانيت منها بس صارت لشباب و ما اظن - الا متاكد- انه ماله مصلحة منها
هي انه قال كلكم جيبوا تقاريركم
يوم جبناها قال كل سبعة يتجمعون بقروب ويشوفون تقارير بعض ويسلمون افضل واحد ودرجتهم كلهم بتحسب عليه
يعني لو محمد يستاهل 1 من 7 وجا بقروب دوافير ياخذ فل مارك ولو عبدالله يستاهل 5 وجا بقروب هو احسن واحد فيه بياخذ 5 كذا اللي يستاهل 1 خذ اعلى من اللي يستاهل 5
بس اعتقد الدكتور ما حسبها صح من هالناحية .
النقطة الثانية:
ان في طلاب حرام يكونون طلاب جامعة بعقليتهم الطفولية
الدكتور عطاهم وجه اكثر من اللازم وابلشونا بالكلاس
بس هذي المشكلتين اللي بالدكتور من وجهة نظري