إلى جميع الطلاب المستجدين ,, ضع سؤالك هنا وسيأتيك الرد بإذن الله (( الجزء الثاني )) !

بلا هالعبط واحد يرد على سؤالي الي في الصفحة السابقة

 

الشباب إلي يلعبون فوق..من بعد إذن صاحب الموضوع واصل: ركن القهوه يحتريكم..وأربعه موكا كرش-واحد لي- وصلحه يا أبو عزووز-بحكم إنه المشرف-​

أحد الأعضاء الكرام أرسل لي رساله على الخاص وبما إن أسئلته تهم أخواني الأوريا أيضاً حبيت إن الرد يكون هنا..​

الضل الخفيف نعرفه..بس الصدر المريف جديده علي!!!! للاحتياط كل تبــ....!!!!!!​

الله يصبرنا عليك وعلى أسئلتك..ياكثرك ماشاء الله..
شوف وأنا أخوك..من الأخير زي مايقولون..أي سؤال يجي في بالك اطرحه لا أبوه لا أبو إلي جابه!!!! وصدقني إني أتشرف بالرد عليك وعلى أي واحد يسأل..من قدي الناس يستشروني!!!! أبو الغرور "إلي زي كذا..​

ج1/أخوك من الناس إلي درسوا في الأوريا الغابره التي لم تطلها البربسه الحالية!!!!
لكن قريب لي كان أوريا ولاحق على الأمور الجديده..
يقول إن فيه أربعة زياده على الإنجلش و الماث..
المواد هذي هي:حاسب+مهارات جامعية+تقنية هندسية+فيزياء..
الفصل الأول تدرس فيه: لغة+ماث+رياضه+حاسب+تقنية هندسية
والفصل الثاني تدرس:لغة+ماث+رياضه+مهارات جامعية+فيزياء

آخر مادتين من كل فصل تتغير من شخص إلى آخر..يعني ممكن يكون جدولك في الفصل الأول مثل إلي في الفصل الأول وروميتك مثل إلي في الفصل الثاني​

ج2/الحاسب على حسب رأيه بربسه والمهارات الجامعية روعة بكل ماتعنيه الكلمه..لأن الدكتور إلي كان ماسك الماده مبدع إلى أبعد درجه..لما كان يتكلم عن دكتورهم في هالماده كنت أخش جو وتمنيت إنها كانت عندنا..بينما روميته كان عندهم دكتور يجيب النوم..

التقنية الهندسية وبحكم إنها كانت عندنا فهي ساعة صدر و وناسة إذا كنت تحب الأشياء العمليه..
الفيزياء مبسّطه وتحتاج منك مراجعه كل أسبوع..كنت أذاكر له وبفلوس بعد!!!! ما به شيء ببلاش إذا دخلت الجامعه..

ذاكر بس الماث وركز عليه لأنه بيفيدك..

اللغة راجع ردي على العضو المصعنن في موضوع حبيبي واصل في ساحة السنه التحضيرية:
إلى جميع الطلاب المستجدين ,, ضع سؤالك هنا وسيأتيك الرد بإذن الله (( الجزء الثاني )) !

الصفحة 14



ملاحظه:أنا أتحمل الشيء إلي عايشته أما المنقول لي فيتحمله الناقل..وإن شاء الله إني ماأنقل إلا من ناس ثقه..​

ج3/أفضل طريقة وأحسنها هي طريقة نادي النصر 7-2-ليزر
طريقة الدراسه والكويزات تعتمد على قدرات الواحد الشخصية..
فيه ناس يحبون المذاكره اليوميه وناس كل يومين وناس في آخر الأسبوع..
أهم شيء إن طريقتك في الثانوي ماتنفع في الجامعة..لكل مرحله طريقة..وأنت مع بدايه الدراسه راح تعرف الطريقة المناسبه لك..
الواجبات إذا حليتها بنفسك راح تعطيك صوره عن مدى فهمك للموضوع..فاحرص على الفهم أولاً وليس النقش..
تجربتي الشخصية خاصة بقدراتي وربما لاتنطبق عليك فلكل واحد مقدرته..

السؤال الرابع وجوابه شخصي..لذا ارتأيت -متعوب عليها- حذفه..​

ج5/مع إني ماأشوف إن هذا سؤال!!!! إلا إنك وكاد أبلشتن(صريييييييييييييح) بس مانقدر نرد حبايبنا أهل القصيم..أهل عاصفة التمور !!!

لا أبلشتن ولا شيء..لو إنك مبلشن كان طقيتها بوجهم من زماااان..الجامعة تعلمك الصراحه..
إن شاء الله إني جاوبتك بالتفصيل المطمئن المسكن..والحاله الهستيريه لابد منها للأوريا..​

نشوف..الأيام تبين هو به سكري أو كليجا..

ملاحظه:في بداية الرد كتبت: كل تبــ....

والمقصود كل تبولّه!!!!! أكله كتيييييير طيبه..






وعلى الخير نلتقي..​

 

ون كواسشينز بليز >> ندرب على الانجليش من الحين خخخخخخخخخخخخخخخ

بالنسبه للاوريا سمعت ان الجامعه تعطيهم لاب توبات عشان الدراسه ..

الخبر هذا صحيح والآ لا

>> على فكرة يسموني اكبر مروج اشاعات خخخخخخخخخخخ ..

 

يعطيك العافية يا أنا..أنا على الاجابات الحلوة والواضحة

رجاء يا شباب ما نبغى نفقد هذا الموضوع أهميته !!

ونقول للشباب ترى ركن القهوه مفتوح 24 ساعة ويرحب فيكم بأي وقت ،،

 

من وين عرفت الشرووط ؟؟؟

 

وإياك يا حبيبي..هيدا حق و واجب..
الشباب يحبون يتونسون شوي..علشان كذا يروحون لديوانية أبوعزيز ويتكون هناك..​

شكلك بتعدي البرموشن!!!! ليتني ماكتبت البرموشن لأن فيه شباب بيسألون عن هالكلمه!!

اللاب توبات ماأعرف عنها شيء..ممكن ليش لا..مع إني استبعد هالشيء..






وعلى سؤال تالي نلتقي..​

 

السلام عليكم ,,

بالنسبة للجوالات ممنوعة ولا كيف ؟؟؟


<=-= أخوكم يرد على المكالمات في الكلاس <- طيب يا انجليزي إنت !!

وإذا كانت ممنوعة ,, متى الأوقات والأماكن اللي تكون مسموح فيها <== الله على الأماكن ^__^

وبالمناسبة ,,, عندكم شبكة موبايلي ولا ما فيه <=-=-= الأخ متورط برقم موبايلي حلو !!

 

يآ حبي لك يا أنآ..أنآ والله انك كآرف نفسك كرف مهوب صاحي ..

عقبال ما نستلم الامور هذي عنك ..

عندي سوال ثاني .. >> ما عرف يقولها بالانجليزي خخخخخخخخ

>> تحمل بثارته .. ( أوريآ على مآ يقولون ) ..

بيني وبينك .. من ( اللي مهوب اكوس ) الدكآتره عندكم .. ومن اكوس الدكآتره .. عشان لا طحت بيد اللي مهوب كويس عرفت أصرف عمري من ألحين ..

>> الرد حسب وجهة نظرك ..

ويرحم امكم لا تقولون لي كل دكاترتكم أبطآل .. الا يصير في كم واحد ودك أنك >>


واذا كان ما ودك تنحرج من أحد يمدحون الخآص ..





نسيت وش اسمه .. ايه .. ( البرموشن ) وشو .. >> أحس انه نوع من انواع العطور ..

 

السلام عليكم ورحمة الله وبركاته !!

يا أخواني الأعزاء ,, لدي استفسار طرأ على بالي !!

هل يمكن للأهل والأصدقاء من خارج الجامعة زيارتي ؟؟؟

واستفسار تاني ,, لو ما عجبني السكن الجامعي لأي سبب ,, هل يوجد فندق هيلتون أو شيرتون قريب من الجامعة ؟؟؟

 

مشكوووووووووووووووور أخ أنا ..........أنا
كفيت ووفيت
وما قصرت

 

في سؤال الله لا يهينكم

س:وشي الاغراض الي اجيبها معي للسكن؟ (اجوا التفصيل )

وش اجيب من اجهزة و ملابس؟

 

مشكووووووووووووووور ياصاحب الصدر المريف على الأجابات الوافية والكافية

اجل تبولة ههههههههههههههههههههههههههههه

واتمنى الفائدة للجميع

دمت بخير​

 

ياحبي لك أنت وأشكالك..
أنا وأخواني نقوم بالواجب لا أكثر ولا أقل..
بيجي اليوم إلي تجاوب على غيرك..الدنيا دوّاره..
الأوريا احبابنا و وش الجامعه بدونهم-يريش بهم-

بالنسبه للمدرسين فدرجة الكواسه تختلف من شخص إلى ثاني..
بعض الناس يعجبه المدرس البارد إلي يتكلم مع نفسه وبعضهم يبي واحد لابسه سكني مستنزل!!!!
مافيه شك إن بعض المدرسين مبدع في التعامل مع الطلاب ومتميز في تعليم اللغة لغير الناطقين بها وبعضهم داخ إلى النعله-تكرم-
ماأذكر أسماء ولو ذكرت فيمكن تركوا الجامعه..
إذا بديتوا بعد العيد بإذن الله اسدح أساميهم ونفتي لك فيهم حتى لة ماعرفناهم..من الاسم نعرف الجيد من غيره!!!!!

أما البرموشن فبما إنك من جنبها في اللغة ما يحتاج تعرفه لأنك ماراح تشوفه أصلاً!!!!​

من هو ذا أنا ..........أنا ؟
ماأذكر إن فيه هالمعرف؟! أذكر إنه فيه اثنين بس: أنا أنا و أنا..أنا !!!!!
حق و واجب..وجّه الشكر لاهنت لصاحب الموضوع واصل لأنه من يستحق الشكر..​

راعي الرساله ذكر الصدر المريف وأنت بعد!!!! وش السالفه؟!
ماشاء الله تعرف التبوله؟ماأخبر إنها وصلت لأراضيكم المباركه..
No Thanks on Homework







وعلى الشفافية نلتقي..​

 

ماقلتولي اش هي الرسايل المسلسلة .. لأني متأكد اني بقع بمخالفات استخدام الكمبيوتر والانترنت ابغ اعرف المخالفة الي بقع فيه اقله

امزح بس ابغ اعرف عشان ما ارسل رسالة مسلسلة

قريت دليل الطالب حق الجامعة كله من الجلده للجلده كتب المدرسة ما سويت فيه كد

 

^^^^^^^^^^^^
رساله مسلسله يعني ترسل رساله لكل الطلاب بوقت واحد وبشكل متسلسل
يعني زي ممممممممممممممم
المهم انك ترسل رسايل لكل الطلاب مثلا سويت منتدى تقوم ترسل لكل طلاب الجامعه
زورونا في منتداي
هذي رساله مسلسله

 

^^^^^^^^^^^^^^^^
اتوقع هذي اول مخالفة راح تجيني

قفلو حسابي في شركة الهت ميل عشان هذي الرسايل

تقول خسرتهم حبر وان ما ادري

 

الدوام متى يبدأ ؟

الساعة 7 ام 8

 

إش الأفلام اللي يعرضوها في السنما ؟؟

وهل يحق لطلاب السنة التحضيرية دخول السنما ؟؟؟

وهل هي مادة أم نشاط أم ماذا ؟؟؟