إلى جميع طلاب التحضيرية ,, ضع سؤالك هنا وسيأتيك الرد بإذن الله (( 091-092 ))

ناسٍ يقولون 9 ..

وناسٍ يقولون على حسب gpa الاوريا ..

 

السلام عليكم و رحمة اللة وبركاته
يا شباب أدرى إني حطيت السؤال في المكان الغلط لكن ما في اليد حيله أبغى الجواب بأسرع وقت...
يا شباب ولد عمي كان أختباره التحصيلي اليوم في الصباح و لكن للأسف كان يحسب الأختبار في المساء
فاكتشف بعدين إن الأختبار راح عليه
فالسؤال هنا أيش الحل ؟؟ هل يقدر يسجل في موعد ثاني ؟؟ و كيف ؟؟
أرجو الأجابة
أنا سألتكم لأن عندك خبرة أكثر

 

^^^
الله يعيييييينه
اول شي خله يكلم حقين قياس<<<إن كانهم يردّون

وفيه منتدى يزيد يسأل هناك وإن شاء الله يلقى الجواب الي يسره ويوسع صدره
بس أهم شي يكلم قياس وينشب لهم ويشوف وضعه

واذا كان الاختبارات ما خلصت.. ولا قدر يكلمهم ..
خله يروح بدري للمكان الي كان بيختبر فيه ومعه الايصال حق البنك ويشرح لهم وضعه وإن شاء الله يدخلونه الاختبار لأهميته
^^
كانوا يدخلون الطلاب في إختبار القدرات حسب ما قرأت
وإن شاء الله يختبر

 

وشي المواد اللي تاخذونها بالأوريا .. ؟

 

math = رياضيات
english= إنجليزي
physics=فيزياء
work shop = ورشة تسوي صندوق و تدرس عن مكينة السيارة بالإضافة إلى رسم أوتوكاد
computer science = حاسب
physical education = تربية بدنية

 

نعم .. الدوام مع المدارس لكن لاااااااازم تجي قبل الدراسة في تاريخ بيحددونه في خطاب القبول عشان إنهاء إجراءات القبول وإستلام البطاقات والسكن إذا كنت مستحق للسكن

بالتوفيييييق للجميع إن شاء الله
وإن شاء الله نشوفكم معنا في الجامعة

.. ..​

 

نسيت الـ study skills

ماده بالعربي .. مهارات الدراسه الجامعيه

 

طيب اللي معه شهادة قياد الحاسب باللغة الانجليزية يشيلون عنه الحآسب

 

^^^^^^^^^^
اكيييييييد و طلقها بالثلاثة>>>مسويها الترم الماضي
وطريقتها انك تكلم مدرسك و تنزلها ع اللاب تبعك بالاسكنر وبعد كذا ترسلها للمدرس اللي راح يعطيك ايميله
وبكذا تكون طلقتها

 

الله يوفقكم يا اوريااات :d < أخيراً قلتها

 

ياليت لو احد يسدح لنا رابط الليسينق حق الكتاب الجديد 002 انجليش ..

 

يا شباب أسعفوني تكفون ..

أنا الحمدلله انقبلت في الجامعة ..

لكن الشباب يقولون الدوام طوييل من 7 إلى 4 معقوله !!

مو مشكلة نقدر نتأقلم على أي شي إن شاء الله

لكن هل فيه شي أقدر أسوّيه يطيّح عنّي كم مادة بحيث يصير الدوام أخف ؟

شي يمديني أسويه من اليوم إلى بداية الدراسه ..

سواءً دورة حاسب أو دورة مدري وش أو أيييي شيييي ؟؟

علماً بأن انجليزيتي عادية إذا ما كانت سيئة بعد ..

 

لو عندك شهادة icdl يطيح عنك الحاسب بس مرة ما يفرق في الدوام تقريبا إلا ساعتين في الاسبوع
ولو عندك توفل فوق ٥٠٠ بيطيح عنك الإنقلش ويصير دوامك فاااااااااااضي جداً
غير كذا ما أعرف
وبالتوفيق يا اوريات

 

ياخوان طلاب الاوريا السنة هاذي حيسكنوا في المباني الجديدة

أم سيتم اللجوء لما يسمى بالقرعة لتحديد ذلك ..!!

 

السلام عليكم ..

انا الحمدلله انقبلت قي البترول ..

وأنا في الانجليزي ماااش تعباان ,, وودي أطور نفسي في الانقلش واتمكن منها ..


فـ ناوي أشتري لي كم قصة و كم قاموس .. وش تنصحوني فيهـ ؟؟

 

^
أنصحك تدخل دورة لو تقدر . بتفيدك أكثر من القصص والروايات

وبالنسبة للقصص الصرآحه ما عندي علم ..

لكن مر العبيكان او جرير تلاقي عنده قسم خاص بالروايات القصص الانقليزيه

موفق

 

شباب ليه ما تفتحون موضوع خآص باستفسارات التحضيريه 101 - 102 ؟؟ بدل الموضوع هذا

شكراً

 

^^^^^^^^^^^ما أشوف انه بيكون في فرق بالعكس هذا الموضوع موجود من العام الماضي وهو محطوط للاستفسارات لطلاب السنه التحضيريه

 

بحاول اذا يمدي ..

بس ابي اعرف إذا تفيدني القصص او الرواياات أو حتى القاموس ..
,,

طيب عندي كم سؤال عن السكن ..

كم لازم أدفع للسكن ؟!!

و كم سرعة النت في السكن ؟؟

 

طيب مادة الحاسب هذي تستمر معي خلال السنة التحضيرية كاملة أو سمستر واحد بس ؟

و شهادة icdl في كم ممكن آخذها ؟ يعني يمديني عليها قبل بداية الدراسة ؟

لأني قرأت عنها و وجدت انها مفيدة جداً و معترف بها دولياً و سهله ..

لذلك قلت نضرب عصفورين بحجر ، أحصل على الشهادة و أحذف الحاسب كأضعف الإيمان ..

أشكرك أخوي

و إذا في شي غيره يمديني أسويه من الآن إلى بداية الدراسه يفيدني في حذف مواد معينه
يا ليت تقولون لي عليه ..