التراكر ما راح يفتح اوكيه , بس ي أنكم تفتحو النت تخلونا نستخدمه براحتنا يـ تفتحو التراكر مزبوط ,,, بالنسبة للي يقول فيله ذنوب وعشان كذا احق بإن يقفل نفس الشئ مع الأنترنت بشكل عامل الأحق انو نقفل شركة stc وموبايلي وزين اذا على نفس التفكير نقفل كل شئ التراكر انا اتمنى انو يرجع بس كـ اشياء تعليمية, لأنها اساسية ... غير كذا الأفلام الأنميات الجيمز مش مهمة بتاتاً ما يهمني الا الأشياء التعليمية دروس شروح ملخصات ... الخ
نعم لطرح الأراء والحلول لا لفرضها , ولا للوصاية الفكرية مستر ام اتمنى تجاوب على الأسئلة في ردي , اتوقع بيوضح كثير من اللبس الحاصل وكمان لأنه نبغا حل ولو مؤقت لحين عودة التراكر , مو معناها منعوه يعني ما نتحرك أعطينا رأيك وحلولك ارجوك بالتفصيل , ما نبغا ردود عامة واشكرك على تحملنا مرة ثانية
انسوا انهم يرجعون التراكر ولكن أتوقع انهم يمسحوا كل اللي فيه ونبدأ من جديد وبرقابه اقوى ممكن هذا الحل يرضيهم
:: حل :: يكون التراكر في سكن الطلاب وبإشراف الطلاب .. ويتحمل الطلاب مسؤوليته .. * يكون بإشتراك .. مادي .. 10 بالشهر مثلا .. والعائد يكون للتراكر .. لتقليل عدد العضويات .. وعدم السماح لمن هب ودب * ( حلم ) يكون التراكر يحفظ الملفات على السيرفر في حال إنقطع السيد ( والسعة التخزينية المحتاجة تكون من عائد الإشتراك)
أنا ما همني التراكر أببببد بس و الله تحز في النفس أشوف كل الشباب متحمسين ومحترقين و rM.M ما وضح وش المشكلة اقتراح أنك تسجل بيوزر ثاني و تحط المشاكل اللي تواجهها اذا كنت ممنوع من طرحها
بو سعيد جزاك الله خير لكن لا تطلع برى الموضوع انت نصحت وسويت اللي عليك == الرجاء لا احد يخرج عن الموضوع لانه بيتقفل الموضوع مرة ثانية
طيب يا شباب ليش مانتعاون ونتشارك الملفات -- يعني مثلا أنا أبغى لعبة معينة وواحد من الشباب جزاه الله خير عنده اللعبة , أجي عمارته وينسخهالي -- يعني حل مبدأي أو تصبيره على مايفتح التراكر
توقعاتي للتراكر :- إذا كانت المشكلة حقوق ما راح يرجع .. إلا إذا كان فيه حل بين الطلاب و ليس للإدارة علاقة به . أمّا إذا كانت بسبب أمور دينيّة أو ما شابه فإنه بيرجع .. لكن الوقت علمه عند الله .
مستر ام: مقدرين لك تعبك بس خلك صريح و بطل هالتلميحات وشغل الالغاز ترا عيب عليك دامك تدري انو فيه ناس كثير ينتظرونك توضح كل شي لانك الوحيد المعروف لنا من بين اللي لهم علاقة بالتراكر. [ يمنع ] يُمنع التهجم على المشرفين عند قيامهم بأعمالهم الإشرافية المكلفين بها وإن كان لديك أي استفسار أو اعتراض نرحب به في القسم المخصص بذلك..
tracker كلامك صحيح لكن هذي مهي القضية الان... الناس ماتبغى تراكر عشان تسيب الصلاة مثلا وتقعد عليه. الان محتاجين رد ايه ولا لا عشان الواحد يدبر حاله يشترك في نت خارجي ولا اي شي ثاني.
باعتقادي ان التراكر ماراح يرجع نهائيا.. لكن هل نحن فعلا محتاجون التراكر؟! عندنا ماشاء الله افذاذ في تخصصات الحاسب الآلي وكلنا بتروليين(مخوخنا نظيفة) ما اعتقد انها صعبة لو صار تجمع للعقول البترولية لانشاء موقع شبيه بالتراكر خاص بالطلاب لاعلاقه للجامعة به.. ولكن يتم مراقبة الموقع من قبل اشخاص منصفين لكي يتم استبعاد الاشياء التي فيها اساءة او عنصرية .. والله ولي التوفيق ملحوظة: اعتقد ان ما ذكرته سابقا هي واحدة من خطط الجامعة لتظهر ابداع ابنائها البتروليين..
ما ادري اذا كانت دعابة أو لا لكن التراكر كان بديل "للشير" اللي بين الطلاب قبل .. بعد شكوى بعض الطلاب من عدم وجود رقابة ! و هو ناتج مجهود طلاب .. أسسوا الفكرة و كلموا المسؤولين في الجامعة و ما اعتقد ان احد طلاب دفعتكم (كنتم اوريات في ذاك الوقت) كان من ضمنهم او حتى كان من المطالبين بوجوده .. لأن اخر دفعة شهدت النظام القديم 2008 .. و تقفل بعد اشهر او اسابيع من بدايتهم الجامعية
سؤال يا شباب لو طلع واحد للسلطان وكلموا عشان ياخذ التفاصيل تتوقعوا وراها فائدة ولا مو داري عن الهرجة السلطان ومالوا صلاح ؟!!
حسب علمي ان السلطان هو اللي امر بقفله بعد ما جاه طالب متدين " مطوع " وقاله انك شريك في ذنوب الطلاب فأمر السلطان بقفله والله اعلم