الكلينيك.....عندما يهضم حق المريض في طلب العذر....وللأسف من ابن البلد!

انا والله الحمد ما قدر رحت للمقبرة قصدي للمستوصف الا مرتين واخذت اكسكيوز منها

لاني غاسل ايدي منهم من ناحية العلاجات والله علاجات ابو كلب

على العموم ماتشوف شر اخوي وهونها وتهون

 

اخي العزيز .. اذا كنت صاحب حق حتى لو كان شي بسيط ما يمنع تروح للدكتور خالد السلطان وتبين له المشكله .. علشان ما تتكرر مره ثانيه ويكون الفضل لك ..

على العموم تمنياتي لك بالشفاء والتوفيق ..

والسلام خير الختام ..

 

سلامات

انت اللي تحس بالالم ولا هو؟

 

اولا ما تشوف باس يالغالي

ثانيا : هو فاهم شغل الطلاب ان اغلب الطلاب يجي الكلينيك علشان الاكسكيوز ( لهذا السبب بدا الانتفاضة والغضب ويبي يسوي ترى لي مكان هنا )

ثالثا " ما معاك الا طلبة الله

 

ما تشوف شر أخوي

 

حسب كلامك المفروض يعاملني أنا و أصحابي أفضل معاملة
لكن انا رحت له مره قبل سنوات وماحبيت تعامله
بدل مايعالجك يعطيك محاضرة وويهذر كثير
ولاعنده احترام حقيقي للطلاب

الله يهديه ويهدينا
​

 

هذا الظاهر اانه دعايه لسنسوداين ،،،،،

 

صدقت والله .....

 

اليوم .. حصل لي موقف .. مع دكتور آخر في العيادة

أتيت للعيادة لا أستطيع المشي من ألم في رجلي .. لدرجة أني أسير على عربة ..!

ومع ذلك .. عندما طلبت من الدكتور عذر .. قال أعطيك عذر لهذه المحاضرة فقط .. قلت يا دكتور .. لا أستطيع المشي .. فكيف تريد مني الحضور .. قال .. [ أنت خايف من المشي .. شل هالخوف وتقدر تمشي ] ..!

وأخيراً بعد إصرار .. أعطاني عذر ..!

تحيـّـــة لمن يهمه الأمر ..


شكري وتقديري لك يالغالي .. وما تشوف شر




الرزين​

 

في واحد أمس غاب عن ميجر الماث لـ التهاب حاد في الجهاز الهضمي مع عدم القدرة للابتعاد عن دورات المياه وإنتم كرامى أكثر من 5 - 10 دقائق


وطبعاً أخينا في الله راح الكلينك وراح لغازي المسؤول وشرح له الحالة وبكل بساطة يقوله ما أقدر أعطيك لأن ما أدري كيف كان وضعك وقت الاختبار بالضبط



أطباء متخلفين وإدارة أغبى

والدليل مرة رحت للكلينك بعد الساعة 4 ونص تقريباً ودرجة الحرارة عندي 39.6 تقريباً وأقوله إني تعبان وابي دواء وعذر للكلاسات

طبعاً بالنسبة للدواء فما قصر عطاني دواء زكمة ودواء للكحة (سوائل اثنيناتهم) و 9 حبات دواء للجيوب الأنفية

أما بالنسبة للعذر فـ نفس سالفة أخوياه كلهم
ما يقدر يعطيني عذر لأن وقت الدوام الأساسي انتهى

طبعاً تلاحظون إن درجة الحرارة عالية ولا عطوني ولا خافض للحرارة أو مضاد حتى بالطلبة يقولي ما أحتاجه آخرتها رحت وآخذته من صيدلية في الدوحة


يعني مع احترامي قمة التخلف في عيادتنا


ثم عندي سؤااااااااااااااااال :


ليه الكلينك المتخلف ما يقبل الأعذار من باقي المستشفيات بالذات الجامعي

يعني بالله يجي المستشفى الجامعي يعطي أحد الكائنات الحية عذر طبي ليومين على سبيل المثال ويقوم الكلينك يرفض ذا الشيء لأنهم ما حولوه ولا راح لهم قبل ما يروح للمستشفى ؟؟؟

^^^

سؤال استنكار ولا جواب له

 

بصراحة الكلينك من أوله إلى آخره يبغاله إعادة نظر