سنوات عجاف انتهت بورقه

كلامكم يزيد من جرعة التحدي ويحمس للدراسه أكثر << يحاول يقنع نفسه
​

 

اقترح نقل الموضوع إلى
ساحة السنة التحضيرية
​

 

وش ذا التحطيم ؟وش اسوي الحين انتحر؟ وانا بس ابغى اطلع من الورنينج
مابغى بعد كل ذا التعب والمعارك مالقى وظيفة لااااااااااااااااااا
من جد الطلاب الي معاي متحمسين يقولون مافيه امل ماحد يقبلك بعد التخرج انت في احسن جامعة في السعودية
بس مادام انك دخلتها لازم تجتهد وان شاء الله ان اجتهادك مو ضايع

 

أتمنى من الإخوان المشرفين اقفال الموضوع لأنه خرج عن اطاره ،، لا فائدة من المقارنات غير المجدية ولا فائدة من البكاء على الليبن المسكوب،،

تذكر إن قرار دخولك للجامعة كان بيدك ولم يغصبك أحد ،، وكفاية من التذمر والتشكي على الماضي ،،
لأنه صراحة أغلب الردود من اخواننا الخريجين بدال ما ينصحون ويفيدوننا بتجاربهم يتذمرون من الجامعة ويعكسوا صورة سلبية لنا ولإخواننا الأوريا ،،
أنا لا أنكر وجود بعض السلبيات في الجامعة ولكن تذكر أولا وأخيرا كم طالب كان ينتظر مقعدك أيام التقديم والتسجيل وتذكر أن الجامعة أصبحت أغلب انظمتها مثل السنة التحضيرية تطبق في بقية الجامعات ،، وهذا شرف كبير ،،
صحيح أكبر مشكلة تواجهنا هنا هي الضغط النفسي ولكن بالصبر والتحمل والعزيمة والاصرار سيتم تجاوزها وما هي إلا أزمة وتعدي على خير ،،
" جامعة البترول تخرج طلاب نوابغ " وهذا يكفيني شرف ،،
ومن وجهة نظري اللي ما يبدع في جامعة البترول سيبدع في جامعة ثانية لأنه قد تجرع وقد نضج مخه وتفكيره ،،،
والله يوفق الجميع لما يحب ويرضاه

 

طيب الحين ياللي تقول انك تعرف ناس خرجوا من الجامعة وبدعوا بره
من واقع تجربه مع روميتي السابق
ترى اللي يطلع من البترول يطلع وهو مشحون نفسيا يعني يحس انه فشل وانه لازم يعوض <<ومن هالحكي
فعشان كذا تلاقيه يبدع بره موب من شي
ولا ترى حتى الجامعات الثانية فيها تعقيد وتخلف وكل شي واخواتي طالبات في سعود
الشي الثاني ترى مو كل من خرج من البترول وراح جامعة ثانية بدع فيها اتوقع انه نسبة اللي يبدعوا لا تتجاوز
الخمسين في المية والباقي زي ماهم لان البعض يرتخيييييي الين يجيب العيد
وبره المملكة مو كل واحد يقدر يسافر بره وانت عارفين وحتى ذولي اللي يطلعوا بره مو كلهم ينجحوا او يكونوا اونر
انا اؤيد اخر رد ل2626 (ركزوا سواء في البترول او غيرها ) واعتقد هو الحل للمشكلة
وعلى قولة د هتان قارن نفسك بنفسك واهدافك ولا تطالع في الناس

 

^^^^^^^^^^^^^^^^^^^^^^^^^^^^^^^^^^^
بتقنعني ان الكرف الي هنا موجود في جامعة الملك عبد العزيز او حتى اي جامعة ثانية سعودية !!

 

اعرف واحد بالجامعه اخذ كم سنه بعده تعب نفسيا ففصل سنه وبعدها رجع اخذ ترم بعدها حالته تدهورت مرررره وخرجه ابوه من الجامعه ,,, نقول الله يعين

 

وانت بتقنعني ان الفوضى الواسطات هنا
زي اللي هناك
وبتقنعني ان اللي يتخرج من هناك فريست اونر يعتبر ما بذل جهد بترولي بمعدل 2.5
وبتقنعني اني لو سبت البترول ورحت سعود رح اجيب اونر بدون هم او تعب
رجاءا خلينا منطقيين

 

^^^^^^^^^^^^^^^^^^^^^

اقولك شي

ولد عمي بجامعة الملك عبدالعزيز

وربي اول ماياخذ كتبه حقت الجامعه ع شنطة السياره ولا يدري عنها الا وقت الإختبارات ومع ذلك ماشي وع الخطه

مانقول بجيب معدل ,,, لكن راح يتخرج وهو مرتاح نفسيا

 

مع احترامي الشديد للجميع ،،
جامعة البترول تعلم الطالب الصبر والإنظباط والتحمل والعمل تحت الضغط والكرف ....إلخ من واقع تجربة بصفتي درست في جامعتين ولم أتعلم كل اللي ذكرت أعلاه إلا في جامعة البترول ،،
وعلى فكرة لاحظت اي طالب يطرد من البترول يبدع في اي جامعة اخرى لأن جامعة البترول مرجلوه وعلموه الانظباط والكرف ،،

واللي يقول إن الكرف الموجود في جامعة البترول موجود في جامعة ثانية ، أقول له ما عندك سالفة لأنك ما جربتها مثلي ،،،

 

بدري عليك ، أنت شكلك باقي فشفوش وفطفووط ، ما قد جاءك شيء

ولكن الجامعة راح تعلمك كيف الكرف يكون!
ما ودي احطمك لكن انصحك سيب منك المقارنات غير المجدية واصبر شوي راح تذكر كلامي!
واسأل مجرب ولا تسأل طبيب!

 

لا تخلط الحابل بالنابل
ماحد جاب سيرة الفوضى او الواسطات
انا بتكلم كنظام دراسي كنظام اكاديمي كنظام الواحد لما يتخرج له نفس في الحياه مو مكبوت وحالته النفسيه رايحه فيها !! انا بتكلم في وضع الطالب لما يكرف ومايحصل الشي الي كان يطمح له وفي الوقت نفسه لو اعطى هالجهد او حتى اقل راح يلقى النتيجة المرجوه واحسن كمان
وللمعلومية فقط > جامعة الملك سعود جالسه تحاول الحين تطبق نفس نظام البترول
>> معظم الخريجين عندها يتخرجو بـ مقبول !! >> عشان يبغو العالم يقولو اي والله الجامعة قوية وما يتخرج منها الا العبقري ! والقهر ان فيه ناس تقتنع بالشي هذا !!
بس راحت وجات ما بتقدر توصل لتعقيد هالجامعة ولا شوي
يعني نخبة طلاب الثانوي ومعظمهم معدله حدود 2.5 او اقل !! شي مؤسف وربي ويحز في النفس

 

^^^^

انا بسألك سؤال. هل انت خريج؟ ثاني شيء، انت الان تبي تقنعني انا الدراسة في سعود او عبدالعزيز سهلة!! يخوي ما في شيء سهل!! ثالث شي وانا اخوك الجامعة هذي هي قدامك تبغاها حياك الله ما تبيها الله يستر عليك. اخيرا، تذكر يا اخوي انه في طلاب تخرجو بمراتب شرف اولى وثانية وثالثة. هذولي ما درسو في هذي الجامعة وما تخرجو منها؟! ما جربو اللي جربته؟!
خلاصة الكلام ما ودي اطول فيه. اللي بيجتهد بيحصل نتيجة. اانتهى الموضوع.

 

روق بالك مو لازم تنفعل عشان توصل رأيك
وانا طالب واتمنى اليوم الي اتخرج من هالجامعة بسرعه لاني مليت منها الصراحه مليت من شي اسمه افرج
و اي نعم الدراسة في جامعة الملك عبدالعزيز اسهل بمليون مره وتقدر تسال اي طالب حول من هنا لهناك
وبالنسبة لجامعة الملك سعود ماعندي معلومات كافيه عنها الحقيقه لكن انا ابصم انها اسهل من هنا
بعدين لما انتقد انظمة الجامعة وانتقد الكرف الي فيها مايعني اني ما حبيت هالجامعة بالعكس الجامعة لها مكانتها بين الجامعات وهي من اولهم وماحد يشكك في هالموضوع بس هذا مايعني اني اغمض عيني واسكت عن الانظمه الي شايفها على الاقل من وجهة نظري انها ضد الطالب
وبسبب هالانظمة تمنيت اني حولت لاي جامعة ثانية بعد الاوريا >> مرحلة الاوريا هي افضل نظام في الجامعة بس لو يشيلو نظام الافرج لانه ظلم في حق كثير من الطلاب
يعني ايش هالنظام الي يفرض ويلزم ان نص الطلاب تكون درجاتهم c !! حتى لو كانو يستحقون اعلى من السي !!
عموما الكلام والجدال في هالموضوع يطول وماينتهي وماله نهايه
وعلى قولتك لو تبغى الخلاصه ريح بالك ولاتجلس تقارن بين الجامعات الثانية لانك راح تتعب نفسيا لما تعرف الواقع الي انت عايشه ومتحمله

 

هههههههه وسع صدرك يخوي تراني ماني بمنفعل ابد

ممكن تكون اسهل من البترول نعم لكن ما يعني هذا الكلام انها سهلة. هذا اللي ابي اوصله.
لو تدرس ثالث ثانوي من جديد... ما راح تعدي الا بجهدك. اتمنى وصلت الفكرة

عموما ...انت قلتها بلسانك وقالوها الاخوان من قبل... اتركو المقارنات اللي ما تودي وماتجيب.
الله يوفقنا واياك

 

شي اكيد اخوي بدون جهد مافي اي نتيجه ممكن ننتظرها غير تدني المستوى
بس الي اقوله ان فيه جهد عن جهد يفرق
وموفقين اجمعين يارب

 

هل سألت نفسك عن طلاب راحوا جامعات ثانية (نفس اللي راحوا لها خوياك) من بعد الثانوية على طول وما بدعوا مثل المنسحبين من هذه الجامعة؟
اللي يفصل من الجامعة هذي أو يفصل لا تعتبر ان مستواه مثل ما تخرج من الثانوي, يكون مستواه عالي مقارنة بالطلاب اللي راح يدرس معاهم, وتكفيه مواد الاوريا تزيل الشمع اللي على الدماغ
يا جامعتي ما أدري ليش!!!​

 

^^^^^^^^^^^^^^^^^^^^^^^^^^^^^^^^^^^^^^^^^^
وانا اتفق معاك اخوي في هالنقطه وقد قلتها برضو من قبل

الاوريا مرحلة تاسيس للطالب الجامعي والجامعة متفوقه في هالشي

 

I hate you strongly kfupm
get out of my life for ever

 

في الحقيقة

اعتبرك لخصت جميع السلبيات في موضوعك

و كل الي ذكرته صحيح

الناس معطين الجامعة اكثر من حقها

و تكفي مقارنتك بالطلاب الى درسوا في الجامعات الامريكية و غيرها

بسسسسسس هذه الفقرة متعوب عليها مثل ما تعبوك الموظفين الذين يعاملون الطالب بكل احتقار
v
------سنوات مضت وانقضت تعلمت خلالها كيف التعامل مع الصعاب خصوصا في مساله الايقاف والفصل الاكاديمي والانذارات المتعاقبه سنوات تمضي ومازلت اتذكر كيفيه التعامل السيئ من موظفي شؤون الطلاب والقبول والتسجيل وغيرهم الكثير عندما كنا نحتاج لهم وهم يعاملوننا بقمه التعالي والازدراء ويكفي شعور الطالب الموقف اكاديميا وهو يقوم باخلاء الطرف وما يترتب عليها من اجراءات روتينيه طويله