لائحة الأجازات الصادرة بقرار مجلس الخدمة المدنية رقم (1/1037) وتاريخ16/2/1426هـ والمعمول بها من تاريخ تبليغها في 15/5/1426هـ بسم الله الرحمن الرحيم لائحةالاجازات المادة الرابعة: يعتبر اليوم الوطني للمملكة والذي يوافق اليوم الاول من الميزان مطلع السنة الهجرية الشمسية الموافق 23 سبتمبر من السنة الميلادية إجازة رسمية 0 فاذا وافق هذا اليوم ( يوم الجمعة ) فيعوض عنه بيوم السبت الذي بعده ، واذا وافق ( يوم الخميس ) فيعوض عنه بيوم الإربعاء الذي قبله ، وفيما عدا ذلك لا يعوض الموظف عن اجازة هذا اليوم 0 أما اذا وافق اليوم الوطني ( يوم الثلاثاء) وكانت عطلة أحد العيدين تبدأ من يوم الخميس فإن عطلة العيد تبدأ من بداية اليوم الوطني0 الخويش اللي شايفينه عشان ذا اليوم حطوه اجازة ولا اول ماكنا نشوف كذا ! الحل الوحيد لهالمعضلة هو انا نشيل اجازة اليوم الوطني وانتهينا .
سؤال حيرني بعد قراءة الثلاث صفحات + قراءة التعليقات والأراء في المنتديات الاخرى من اللي كان يحتفل امس ؟؟
الي يمغصك ويزيدك نفسيه لما يجيك واحد ويقول هالبنات اكيد ماهم سعوديات اصل ولا بنات الحمايل ما يسوونها بالعربي ما نكبنا غير بنات الحمايل ياخي مدري الغيره وين راحت الظاهر تركنا الدين والعادات والتقاليد واكتفينا بالهيط والنعرات
مالت عليهم وعلى اليوم الوطني ان كان كذا ما صار يوم وطني قسسم , صار يوم قمة الدششرة والتفلّت واللا مسؤولية وبعد كم سنة بينحصر الخروج في اليوم الوطني على نوعية معينة معروفة , واللي يصير له شيء وقتها يستاهل .. للأسف خربّوا معنى اليوم الوطني
انت وش دراك انهم بنات حمايل ؟؟ نكبوه كيف ؟ !! انت افتريت ذلحين على بنات الحمايل بنات الحمايل شريفات عفيفات وما لهم بذي العلوم الشينة واذا كان من بنات الحمايل من الشق الثاني فاقولك هذي حالات شاذة ولا تمثل بنات العز والشرف والحيا فلا ترمي كلام من راسك ولا تكتب شي الا وانت ممحصه ومتاكد منه زين .
http://www.youtube.com/watch?v=r1E_f_wRPwo&feature=player_embedded نهاية المهايط ..تابعوه الى النهايه واذا حسيتوا مثلي انه مضيعه للوقت ركزوا على اخر المقطع ^_^
ايه نسيت ما اقول ترا التكشف والرقص سار في الرياض بعد وعلى خبري بنات الرياض سعوديات اصل الا اذا معلوماتي خطأ يا ليت تصححها لي
نص اللي قآعدين ينتقدون ويسبون .. كآنوآ من ضمن المترآقصين في اليوم الوطني .. بس آقدر آقول انهم فآقو من سكرآتهم وبدآوآ بآستيعآب مآكآن يجري من حولهم آسسف لحد يزعل من كلآمي .. بس آعتقد انهآ الحقيقه
بعض الناس يا زينه ساكت أما اليوم الوطني.. فهو صار فرصة للي يبي يسوي أشياء غير معتادة.. تحت ظل ما يسميه الفرح.. ما أقول إلا يا زينّا قبل 6 سنوات.. اليوم الوطني يجي ويروح ما ندري عنه إلا إن الجريدة ذاك اليوم يجي معها ملحق زيادة ! والكلام في هالموضوع يضيّق الصدر.. أنا ما قهرني إلا واحد أعرفه-يقرب لي- رايح يدور ويستهبل.. يعني تعرف اللي ودك تشوفه بس وهو توه راجع عشان تزبّد له وإذا حصل تجلده بعد ! لكن الله المستعان..
ياخي تعجبني !!! اهنيك على تفهمك للوضع .... ياخي من يلوم الشباب مكبوتييين طول ايام السنه وفي هاليوم يحسون انهم غير مقيدين لكن .. ممنوع شباب ... لا تدخل وين عيلتك ... الخ ؟؟؟؟؟ اما هذه الجمله مدري وش تبي ؟؟ يعني لازم يكون معي عايله عشان ادخل احيانا يكون عندك شغل ضروري ويقول لك عوايل !! خلاص ياعالم حنا في القرن الحادي والعشريين واخيرا سامحوني ع الرد لأني اكتبه وانا مقهور
انا ماعترف بيوم وطني اصلا مثل ما بعض الناس مايعترفون بعيد الحب وعيد الام مع اني اشوفهم اولى صراحه ع الاقل تحب اشخاص حقيقين يستحقون تخصص يوم من السنه تسميه عيد وتحتفل فيه معهم لكن الوطن وآآآآآه من الوطن كم قد خذل احلام مانمت ولا كبرت كم قد خيب آمال مازالت في جحورها انا فقط احن للوطن لكن مااااااااااااحبه واللي يقولي حب الوطن من الايمان بقول على عيني وراسي بس وش قدم لي الوطن؟؟؟؟؟ بلا عيد بلا وجع قلب مع احترامي سلملم