مساجد السعودية تمنع مكبرات الصوت جزئياً في رمضان

القرار اتوقع يطبق هالسنة ان شاء الله و راح يخفف التداخل بين اصوات المساجد

السنة الماضية بعض المساجد ما اسمع صوت الامام بصلاة التروايح الا اذا جيت ادخل المسجد فهؤلاء اهنيهم على التزامهم بالانظمة

و يا ليت اللي يقولون انا مؤيد للمكبرات ما يسكت يذكر سبب تأييده عشان نعرف وجهة نظره كاملة

 

وصلنآ لـ مرحلة .. أصبح كلآم الله يُسبب لنآ إزعآج ونُطآلب بـ مكبرآت صوت دآخليه !

يَ الله حسن الخآتمه بس ..

 

قرار حكيم ، ما أعتقد فيه أفضل من هذا الحل : يقفلون سماعات المساجد و يبقون على سماعات الجوامع ؛ بحيث إنها ما تؤذي سكان الحي ، و اللي يدور مكان يصلي به التراويح يلقاه بسهولة "الجامع".

أنا من أكبر المؤيدين لهذا القرار.

 

أخوي ما أحد ينزعج من كلام الله ، الإزعاج سببه علو الصوت بإستخدام الميكروفونات.


و القرار لصلاة التراويح فقط ، و أعتقد إنك تعرف متى تنتهي التراويح ، فمراعاة لكبير السن و للرضيع و للمريض و للي وراه دوام يخدم فيه مجتمعه طُبق هذا القرار.

 

^^

مآ أعتقد إن هالسآعه رآح تسبب إزعآج لـ مريض ولآ مسن ولآغيرهم ..!


وإذآ كآن السبب علوّ الصوت .. ممكن يصدر قرآر بـ درجة صوت موحده ، ليه يكون قرآر بالمنع التآم ؟!

وفي النهآية .. ترآه كلآم الله يَ جمآعة الخير !

وهو علآج بإذن الله

 

الهدف الأساسي من وضع مكبرات الصوت كان لإعلام الناس بوقت الصلاة و لتسهيل العثور على المسجد لمن يريد الصلاة ، فما أعتقد إن مكبرات الصوت الخارجية لها أهمية في صلاة التراويح.

ثانيا ، القرار لم يأمر بإطفاء كل مكبرات الصوت و إنما مكبرات المساجد(اللي دايما تكون بين المباني السكنية) و الإبقاء على مكروفونات الجوامع.

على أي أساس قلت هذا الكلام ، خصوصا إن أهم وقت راحة لهم بعد العشاء.




----------




مسجد حينا مقفل السماعات الخارجية برمضان و غيره (يستخدمهم للأذان و الإقامة فقط) بسبب شكاوي أغلب أهل الحي.

 

وعلى أي أسآس نحكم إن كل النآس تنزعج منه ؟!

الحمدلله الحي اللي فيه ولآ أحد طآلب بالشيء ذآ ..


عموماً ..

الموضوع هذآ مآنقيسه على حيّـنآ وحيكم !

أقلّهآ نشوف الإيجآبيآت والسلبيآت ..

 

اخ تشيك ميت ما دام انك تشوف ان الموضوع ما له اي داعي طيب ليه ما حذفته من الاول ؟
ثاني شيء هذا العضو تعرف ان له مواضيع كثيرة فقط لاثارة البلبلة ,, فليش ما تنحذف مواضيعه بسبب عدم جديته وصدقه في الحوار ؟

نصيحة لجميع من يدخل هذا الموضوع او اي موضوع يضعه راعي هالموضوع ,, انه ما يأخذ موضوعه بجد لانه اصلا حاطه علشان يطقطق علينا .

 

^^^^^^^

طيب هذا اللي أنا اسويه

لكن فيه ناس مصدقين أنفسهم مع هالمواضيع اللي مدري وش تبي

ويقعد يحرق في أعصابه ويقول ويزيد ويؤيد ويعارض وفي النهاية لا يقدر يوصل صوته لمسؤول عن هذا الشأن

ولا يقدر يحتفظ برأيه لنفسه لأنه ما بيفيد قال اللي في راسه ولا لا

والشي الثاني المشرفين اللي كلما نزل موضوع عن الطائفية قاموا وقفلوه ... وإذا نزلت مواضيع مثل وجه صاحبها

ما يحذفون الموضوع .. ولا يتعاملون معها بالتعامل الأمثل ... وأما أنت يا mr.file فمواضيعك مرة عن الكوافيرات

ومرة عن السواقين ومرة عن صوت المسجد عالي ولا واطي .... بصراحة: مواضيعك مثل وجهك

 

المساجد اللي في حوارينا ما يستخدمون المكبرات في التراويح من السنة الماضية إذا مب قبل!
مب عدلة الصوت يطلع برة و في ناس ما تصلي ... يعني اللي يشتغلون و رواعي المحلات يسكرون و يجلسون يستمعون؟!​

 

رايـه واضح ياطويـل العمر ،



هو ازعجهِ ان الناس لا تتبع تلك القوانين


هو ازعجهِ ان صوت المساجد لازال يعلو

 

لا أجمل من صوت الإمام وهو يقرأ في التراويح
اللهم بلغنا رمضان

ترى كثير من الناس في تلك اللحظات يكونون مسنترين امام التلفاز,فما ودهم احد يزعجهم وهم ينهلون من الخيرات امام التلفاز

ادري في شياب و مرضى"عشان محد ينقز في وجهي"

عموما نحن نسمع بهذا القرار منذ مدة ولم يطبق,وان شاء الله ما يطبق

اللهم بلغنا رمضان
اللهم بلغنا رمضان

 

إلى صاحب الموضوع..:
إن كنت جاد وترغب في الحوار..
فعليك بالرد على كل رد.

لا كما فعلت في موضوع لك سابق..

وبالنسبة للقرار.. ايه هين..

 

حق يراد به باطل
القران الكريم حق لكن ازعاج المؤمنين حرام

تخيل طالب في فصل يقرأ القرأن بصوت مرتفع والمدرس يشرح ... ما بكون ازعاج للطلاب
او في يوم الجمعة والامام يخطب ؟

البعض قد لا يتقبل ان يكون قراءة القرآن ازعاج كون يظنه ان فيها اهانه للقرآن وهذا غير صحيح
عندما تقرأ القران بصوت مرتفع في غير المكان المناسب ... انت لا تطبق القران... انت تؤذي الاخرين
غيرك يريد ان يتعبد بطلب العلم او بصلاة او غيرها

 

^

+1

رأي سليم جداً مؤدب و محترم مع ضرب مثال ,,,,,,,,فل مارك

 

يقول الله تعالى {وَلَا تَجْهَرْ بِصَلَاتِكَ وَلَا تُخَافِتْ بِهَا وَابْتَغِ بَيْنَ ذَلِكَ سَبِيلًا}

 

لا فض فوك

 

يخفض صوت المكبرات أمر طيب

لأن فيه بعض المساجد يرفعون الصوت ويفجرون الحي

ولكن إزالة المكبرات أمر وقح صراحه

 

المفروض المسئلة تكون راجعة لأهل الحي .