أفضل المشاركات: مطعم الجامعة من سيء الى أسوأ

سلامون عليكم ,

ياخي وش الحل مع مطعم الجامعه من اول مادخلت الجامعه 3 سنين وغير الرز الأحمر مع الرز الأصفر الي فيه الحشو والخضره فيه اكثر من الرز نفسه مع العلم انهم نفس الطعم (مادري هم نفس الطعم بلون مختلف او افقدوني حاسة التذوق )
+ الاكل مافيه تنوع الغداء و العشاء يوميا نفس الشي تقريبا الاندومي فيه نكهات وتنوع اكثر من مطعم الجامعه وبالذات في الصيف

+ الواحد اذا يبي ياكل اي وجبة لازم يروح اول ما يفتح المطعم حتى لو مو جايع لان بعد نص ساعه تقريبا ما بتحصل لك الا طبق واحد

* لمفروض يكون فيه نوع رز رئيسي الي كل الناس تاكله وهو الرز الابيض حاف بدون اي اضافات والانواع الثانيه تتغير + مافي مشكله لو كل اسبوع يحطو لهم قائمه وش بيطبخو في هالاسبوع وتنرسل للطلاب مع انهم يحطو خطه للسنه كامله و ما تطبق الا اول اسبوع بس

ياخي فلسنا وزهقنا من اكل الوجبات السريعه

+ اليوم رحت مطعم الجامعه بتعشى و الي كان موجود الرز الاصفر و نوع واحد من الدجاج وشوربه بس نفس الغدا الي تغديته

 

صراحه مطعم الجامعه كمبنى وطاولات وترتيب ونظافة (فخم جداً )..

بس الطبخ حليب سعودية مع الاحترام ..


اقترااااااااااااااااااااااااااااااااااااااااااااح شخصي ..

(الحين فيه حريم يطبخون فالبيوت ويبيعون عشان يترزقون الله , لو الجامعه توظف هالحريم براتب شهري ويطبخون في مطعم الجامعه - مطبخ نسائي بحت- بيصير اقبال على مطعم الجامعه من الطلاب وسكان الدوحه وسكان الدمام ويمكن بعض سكان الخليج ,وبنستفيد استثمار هذي الطاقات المميزه فالطبخ وتوفير فرص العمل لهم براتب شهري + الابداااااااع في الاكل وانواعه + عودة جميع الطلاب لمطعم الجامعه + حفظ صحه الطلاب من الوجبات السريعه الضضضضضضارة )

+ اقتراح استحق مكافأة عليه من مدير الجامعه