وطلعت نتايج ســــــابك..!!

السلام عليكم ورحمة الله وبركاته...

والله يا أخوي أنا بقول لك عن تجربتي مع سابك ...

أنا حاليا فريشمان ...يعني الكلام هذا كان بداية السنة الماضية

كانت درجاتي في الثانوية 99,70%
القدرات 88
التحصيلي 84
ما شاء الله

أول ما قدمت على سابك رشحوني للمقابلة و طرت من الفرحة بس بنفس الوقت كنت خايف من الكلام اللي كنت أسمعه عن مقابلاتهم انها راح تكون استقعاد ويحاولون يرفعون ضغطك و يحاولون يحجرون لك ...


المهم تحدد موعد المقابلة ورحت لهم وأنا ركبي تتصافق

سويت اختبار تحديد الشخصية حقهم و دخلونا على غرفة الانتظار وهم مشغلين فيديو عن سابك

وأنا على نياتي قاعد أحاول أحفظ أي معلومة جديدة عن سابك في ذاك الفيديو

>>>>طبعا الأخ مذاكر عن سابك من ويكيبيديا ههههههههه

المهم دخلت المقابلة و مسوي ثقل و أسلم عليهم واحد واحد و سويت نفسي هادي وأنا والله أخاف قلبي يصقع وجه اللي يقابلني

خلصت المقابلة على خير ولله الحمد وسافرت قبل ما تطلع النتايج ...
جاء موعد ظهور النتايج لكني للأسف ما فعلت خدمة تجوال والجوال ما يدق ولا يستقبل(فلم هندي), طبعا ما أرسلوا شي على الايميل

وأقعد على أعصابي الين رجعت من السفر الا وتجيني رساله اني انتظار

بغى يجيني انهيار عصبي في المطار من التحطيم... أنا فقددددددت الأمل مره وحدة ...

عاد أنا عمي يشتغل في سابك لكن كنت رافض رفض تااااام اني أدخل بواسطة

و لزمت على أبوي و حلفته انه ما يكلمه عن الموضوع

المهم فقدت الأمل و بدت الدراسة على أساس اني بقدم على البعثة مره ثانية اذا خلصت ال 60 ساعة على ما أعتقد

و بعد اسبوع من بداية الدراسة و انا طالع من البقالة

الا يدق علي واحد من سابك وانا اللي بغيت أفحط في الجامعة <<<انهبل

ويقول لي مبروك تم قبولك في بعثة سابك هندسة كهربائية في أمريكا ؟؟؟؟؟!!!!!

أنا قلت له أنا أول خيار لي هندسة صناعية في البترول

قال لي ايه بس انت انقبلت كهربائية في أمريكا

طبعا انا تارك أمريكا تلبية لرغبة الوالدة والحمد لله ما ضاعت دعواتها

المهم قلت للرجال طيب حاول تغير لي و دق علي<<<والله مدري وش كنت أحس به

أنا كنت ابي وقت عشان يمديني أدق على أبوي استشيره, وادق على أبوي و أقول له السالفة

قال: شف , اذا ما وافقوا أبد , وافق أنت . وبنحاول معهم عشان يغيرونها للي أنت تبيه, وان ما وافقوا قلهم خلاص ما أبي البعثة ...

وكلها كم دقيقة الا و يدق علي الرجال مره ثانية ويقول لي خلاص انقبلت هندسة صناعية في البترول
والله بغيت أتشقلب في المواقف

توتة توتة خلصت الحتوتة

العبرة انه لا تفقد الأمل , الانتظار لا يعني الرفض ...

والله يوفقكم ويوفق الاسلام والمسلمين ويكتب لكم الصالح والخيرة

موفقين يا ,,, يــــا أوريـــااااااااات هههههههه خلاص عاد حنا ما صرنا اوريات الحين

المهم اللي عنده أي استفسار عن أي شي لا يردة الا الكيبورد

يكتب في الموضوع هذا عن سابك , واذا يبي يسأل عن شي عن الجامعة بشكل عام يرسل لي على الخاص

أوووووه تذكرت اللي يقول ان سابك واسطات مع احترامي هذا من نوع : سمعت الناس يقولون فقلت

سابك نعم توفر و بشكل شبه رسمي مقاعد محدوودة جدا لأشخاص ينعدون على الأصابع اللي هم أصحاب المناصب العليا فقط

وليس كل من يشتغل أبوه في سابك يقدر يدخله ...ممكن أبوه يعرف بشكل مباشر أو غير مباشر أحد هؤلاء الأشخاص ذوي المناصب العليا و مهد له الموضوع

والسلام خير ختام
​

 

تسلم على كل كلمة قلتها ،، والله يوفقك

 

ياخي انت بطل انت انسااان خوووووراااااااااااااافييييي رااااااائع جميييييييل مدري وش اقول كل الكلمات الزينه ودي اقولها لك يا حبيلك بس

ياخي والله عندنا شباب بالسعودية عن شعب اقسم بالله الجيل القادم جيل صاعد وبقوووووة جيل مواليد ٨٥-٩٥

واعي وفاهم وذكي

اقسم بالله يوم قريت هالجمله

قمت اناقز واحب الشاشه من الفرحه الله يخليلك عمك وابوك ان شا الله وشفت شلون بالنهاية اخذت البعثة وبالتخصص اللي بتغاه

وموفق ان شاء الله

 

أنـــآ أنتظآر بس اليوم دقوا علي وقالو طالبينك طلب بس قل تمـ قلت وشوا قآلو أنك تدخل البعثه على حسابنآ
قلت و الله بفكر البترول قابلتني وامي تبيني ادرس هون قآل يارجال طالبينك انك تقول تمـ
قلت لهم تم المهم يوم قمت العصريه من النوم الا وفي جوالي رسآله تقول عزيزي الطالب تم شوتك من قائمة الانتظار ونتعذر لعدم قبولك
أثــــــــــرهم يطلبوني بالحلم يوم قمت اثر الحلم كابوس هههههههههههه
بالتوفيق لكل من قبل و اللي ماقبلو لعلها خيره وياحبينيلك يالببترول

 

أحرجتم تواضعنا



موفق يا بعدي

 

مهندس محتار : والله اني فرحت لك

لكن سؤالي : الموظف قالك هندسة كهربائية بأمريكا جيت انت قلت لا ابي هندسة صناعية في البترول ووافق على طوول ..ماشاء الله تبارك الله ..يعني افهم من كلامك في تجاوب من الموظف بس هل التجاوب هذا دائما ولا لا؟

يعني لو صار لي مثل حالتك ممكن يرجعوني على الرغبة الاولى.؟

 

والله أحترم موقفك وأحترمك ،،، وهذا الشي يحقلك تفتخر فيه قدام أي واحد وربك ما ضيع أمانتك الحمد لله

 

مقابلتي بكره , والله ولي التوفيق <3

 

الله يوفقك ويسهل عليك ..لكن جهز عمرك للسؤال :تكلم عن نفسك ؟ ^،~
لاتخاف مافي شي انقلش

 

بالتوفيق يبو رواااقة ،، امزح امزح ،،، ابو رواااغة

 

هههه ,,


الله يكون بالعون ,, سألت واحد مقابلته اليوم يقولوا سألوه سؤال بالانجلش
يعني السالفة حظوظ ههه

الله يعين انشالله يكونوا رايقين ونروق معاهم هههه

 

هلا أخوي ناصر

والله أنا جاني كلام ان الي كلمني واحد جدييييد في سابك فريش من الجامعة

وكان كل ما سألته له شي قال لي: والله ما أدري لكن خلني بسأل لك و أدق عليك بعد شوي

فأنا لما قلت له أبي هندسة صناعية في البترول قال لي طيب خلني بشوف وش أقدر أسوي و أدق عليك . و فعلا بعد كم دقيقة دق علي و قال لي أوكي حولناك هندسة صناعية في البترول

على العموم هم ما أتوقع من النوع اللي بيستقعد لك اذا كان فيه امكانية انهم يسوون لك اللي أنت تبغاه...تراهم سابك مو البترول

المهم موفق ان شاء الله والله يكتب لك اللي فيه الخير وخل في بالك انه عدم قبولك هذي المره ما يعني انهم ماراح يقبلونك أبدا

راح يكون لك فرصتين الفرصة الأولى اللي هي اذا خلصت ال60 ساعة على ما أعتقد,

والثانية انك تقدم تقديم عادي بعد التخرج

​

 

شهادة أعتز فيها أخوي أحمد

​

 

رحت لهم اليوم مقابلة شخصية في جده فندق الهيلتون المهم سويت اختبار تحليل بعدها خذوا اوراقي مع اني ما جبت الجواز ولكنهم مشوني عادي جدا رحت المقابلة كانوا ثلاثة اسئلتهم جدا جدا حلوة ولكن يحاولوا يستفزوووووووووك بشكل مهو طبيعي فخليك دبلوماسي معهم احسهم انبسطوا مرة .. بس بيني وبينكم طلبت خارجي واحسني هونت ما اغبى ابغى البترول وبس .. ايش اقدر اسوي مع انه لسى لا اخترت تخصص ولا شي

 

قول لهم فيه ظرووف استجدت في البيت تستلزم بقائك ، وقول لهم خطاب قبول البترول جاهز وموجود

ان شاء الله يقبلون

 

اخوي ولد المطر
انا مبتعث من سابك

السالفة مو عبط ابوك في سابك تدخل !
سابك محدده 20% من مقاعد لابناء الموظفين فقط

طيب لما تقارن كم واحد قدم على سابك و كم نسب اللي انقبلو
الشباب المقبولين نسبهم في القدرات و التحصيلي بين 83 - 98
انا شخصيا جايب بالقدرات 88 و التحصيلي 85 وانقبلت الحمد لله

ما اقولك محد دخل بواسطة لا في ناس دخلت بس كم واحد بس

 

^

عندي سؤال لو تكرمت :هل قبلت قبول نهائي او فقط تم ترشيحك للمقابة

((انت ابتعاث داخلي او خارجي))

 

انا من الدفعة اللي قبلكم اخوي
ابتعاث خارجي

 

الله يوفقك

 

شباب انا ما وصلتني رسايل !!
وين جاتكم النتايج ؟