أفضل المشاركات: هل تؤيد فتح صالات السينما في المملكة ؟؟

انا مستغرب من اللي مايبي تنفتح سينما في البلد
اذا انت تشوفها حرام من وجهة نظرك وتفسد الاخلاق تقدر تمتنع عنها وتمنع اولادك يروحوا وانتهينا.
اللي يشوف انها ترفيه ومافيها اي شي حرام وانا منهم بحكم تجربة البحرين اذا انفتحت سينما هنا يقدر يروح
ملاحظة :الافلام اللي مكتوب عليها (-15) وهي كثيرة بمعنى ان جميع الاعمار تقدر تشاهدها فمافيها اية امور محرمة وحتى الاجنبية منها يتم قطع اي لقطة مشبوهة)
الشي الثاني انت اللي تفكر في زاوية منع الفساد بمنع السينما اللي تقدر بكل بساطة تشكلها بالشكل اللي تبيه وتمنع اي شي سيء فيها, اغفلت جانب ان بمنعها كثير من الشباب يروح البحرين بحجة مشاهدة فيلم بالسينما وهم يروحوا بارات وبيوت دعارة لان هناك كل شي مسموح.
بمعنى ان المنع صار يسبب مفسدة اكبر

لازم يكون في موازنة في كل شي, يعني الحين السعودية تفتقر لكثير من وسائل الترفيه لدرجة من يزين الجو شوي تشوف امة لا اله الا الله كلها مجمعة في الكورنيش
غير انك اذا بتطبق نفس القاعدة اللي بموجبها منعت السينما فينمنع اجل الكورنيش والمول وبيع الدش والتلفزيون والجوال وكل حاجة لان اي شي بيكون فيه قابلية استعماله في الفساد الاخلاقي.

 

يبدو ان حكومتنا الرشيدة بدأت تشغل نفسها بالسخافات بانشاء هيئة للترفيه وعدم التركيز على مشاكل الاسكان والبطالة

#رمزية

 

اذا على هالمنطق .. ليش ننشغل بقضية تافهة كالسكن والوظيفة وننسى قضايا الأمة الحقيقة مثل ارهاب وتغذيب المسلمين حول العالم؟

 

تسلم ع المشاركة اخوي....

بس السنما مو بس انك تشوف فلم...نعم نقدر نتابعهم اونلاين بس السينما experience اكثر من انها بس تابع الفلم وكل العالم يقدر ينزل الفلم ولا يشتري الديفيدي ولا عالنتفلكس ولا بأي طريقه ثانية بس يظل يحضر الفلم في السينما ...غير انه الفلم ماينزل اونلاين الا لمن يصدر البلوراي حقه يعني بعد ماينزل الفلم في السينما انتظر شهر شهرين ع ماتحصله اونلاين وذا الشي ماتحس فيه الا اذا كنت مجنون افلام.

اما بالنسبة لسالفة المنتجين ابدا كلامك مو صحيح مستحيل معظم المنتجين يهود ويدعمون اسرائيل وصدقني لو بتفكر كذا ماراح تخلص ولا تشتري اي منتج في العالم
فكر فيها من اصغر جهاز الى السيارت بتقولي انك ضامن انها كلها اشياء ماتدعم اسرائيل؟؟؟؟؟؟

صدقني لو تفتح هنا احنا واقتصادنا بنستفيد قبل راعي الفلم ولا اسراااااائيل......

واتفق ويه الشباب صدقني بعض المسلسلات التركية ولا حتى الخليجية تأثر سلبا اكثر من بعض الافلام الامريكية...وبعض الافلام الامريكية نظيفه 99.99%
واقدر اعطيك امثله....مانقدر نحكم على اي فلم ولا مسلسل بناء على جنسيته الفلم العربي يمكن بعض الاحيان يكون مليون الف مره اوسخ من الفلم الاجنبي.

تعبنا واحنا نمتر جسر الملك فهد عشان نحضر فلم ...


ومشكورين كل الشباب ع المشاركة...

 

بغض النظر عن رأيي ، سواء موافق أو مخالف
استغرب من المعارضين للسينما في السعودية ، وهم ما عارضوا عرض المسلسلات الخليجية والعربية على التلفزيون السعودي
والا عشانها مو أجنبية صار الوضع عادي ؟
ناهيك عن دفع مبالغ طائلة جدا على أعمال ما تستحق إنك تحط فيها ريال واحد

الموضوع طويل ويطول الكلام فيه

 

هذا الموضوغ يكثر الجدال فيه وناس كثيرة تؤيد وجود السينما وناس كثيرة تعارض ..

أنا شخصياً أؤيد وجودها وبقوة ومش مقتنع بأسباب من يعارض .. الأفلام العربية والأجنبية كثييييرة وفيها كل شي وانته تختار اللي يناسب دين وعادات البلد ..

كما أن وجود السينما راح يساعد على صناعة فن سعودي يناقش المشاكل الموجودة ويعرّف العالم على إمكانيات وإبداع الشباب السعودي ..

أتمنى يطلع قرار لفتح السينما قريباً مثل القرار اللي طلع أول أمس وفرحنا فيه!

 

ما شفنا نتيجه طيبة للافلام الغربية
مافيها غير جريمة و سكس و مخدرات و قلة من المهرجين
الافلام المحترمة انقرضت و لا عاد تسمع بها
كل الافلام و المسلسلات المعروفة سيئة " اخلاقيا" ممتازة "صناعيا"

 

التهكير هذا جريمة تعدي على الحقوق وأنت تدعم هذي الجريمة بس عشان ماندعم إسرائيل، خطأين مايساوون صح !



وبالنسبة لتقطيع الأفلام ، الأفلام فيها تصنيفات وفي بعضها محتشمة

أيام المراهقة كنت أتابع أفلام أجنبية أمريكية على قناة السعودية الثانية وكانت نظيفة جداً ومفهومة المغزى من دون ماتتضايق من التقطيع أبدا
وقفت عن التلفزيون من أيام الجامعة مدري إذا بعدها تجيب أفلام ، فما في ضرر كون قناة السعودية أصلا تخلي هالأفلأم على شاشة أكبر دوم أنها تبثها في كل الأحوال

 

انا معارض لأن الاغلب بيطالع افلام اجنبيه لاحد يجي يقول انا باطالع فلم سعودي او عربي ( في من يطالع هل الافلام بس اقل من الاجنبيه بكثير)
احنا نقدر نطالع احدث الافلام الاجنبيه من غير ما نحتاج ندفع ريال واحد للمنتجين الي اغلبهم يهود واسرائلين (عن طريق تهكير الافلام)

اذا فتحنا سينما يعني فتحنا دخل جديد لهل المنتجين يعني راح ندعم اسرائيل واليهود بشكل غير مباشر

ادري بيجي واحد يقول انو في مطاعم وكافيهات مفتوحه في السعوديه وتدعم اسرائيل , انا اقول نعم للاسف في ومانبغى القائمه تزيد بفتح سينما

وسبب ثاني هو ان الافلام تأثر على طريقه التفكير والاخلاق للشخص ( تأثير سلبي وإيجابي ) بس السلبي هو المهيمن. فوجود السنما راح يجعل مشاهده الافلام تنتشر اكثر من الان يعني التأثير راح يزداد.

والسبب الاخير هو ان اغلب الافلام راح يكون فيها اشياء محرمه يعني راح تكون مقطعه بنسبه كبيرة جدا , كذا راح يخرب عليك الفلم اصلا فاشوفها بالبيت كاملة احسن لك وارخص.


وشكرا