أفضل المشاركات: الهيئه الملكيه .. عرض وظيفي لمده خمس ايام!!

انا كتبت رد طويل بس انمسح والحين اكتب من جوالي فاعذروني اذا التنسيق تعبان او فيه اخطاء املائيه



معلومات عامه:

الاختبار كان في كليه الجبيل تقريبا ٧ الصباح

تختبر تقعد نص ساعه تطلع درجتك اذا اجتزت الاختبار تروح للمقابله اللي في مبنى الهيئه الرئيسي

يعطونك فورم بسيط تعبيه وتنتظر تدخل المقابله ما يجي الظهر الا وانت مخلص



بالنسبه للاختبار


كان عام جدا ومتوسط بس ماهوب سهل مره مره يعني في شغلات تقول وش يبي ذا يوم يسال كذا

كان فيه اساأله رياضيه وشوووويه تخصص تحله وانت مغمض وفيه بعض الاسئله اللي ماتدري وش تبي مثل اي اختبار ثاني في الحياه

يفضل تجيب حاسبه لان فيه اسأله ذكاء رياضيه ويسمحون لك تستخدم حاسبه الكمبيوتر المعقده (فالافضل تجيب حاسبتك معك)


من الاسئله الغبيه اللي جتني هي جابلي رمز كنا نستخدمه في ماده الرسم الهندسي يشبه علامه الجذر وقالي ع ايش يرمز ؟

الجواب اللي حطيته اذكر كان (خشونه السطح)


ملاحظه هامه (خذ وقتك بالاختبار لين اخر ثانيه .. ركز وحافظ ع هدوئك .. هذا اللي رح يفرق بينك وبين باقي المختبرين)


بالنسبه للمقابله

قابلوني ثلاث سعوديين واحد اتش ار والباقين من ادارات ثانيه

في البدايه كالعاده تكلم عن نفسك بالانجليزي (وهنا حاول تكسبهم بعده اساليب مثل الثقه بالنفس و الاسترسال في الكلام و التحدث بطلاقه ومستوى اللغه الانجليزيه)

بعدين الاتش ار حول معي عربي وقام يسولف معي شويتين بكلام عام

بعد ذلك استلموني الاثنين واساله في التخصص وكلها بسيطه وعامه من الاسئله اللي جتني (بالانجليزي) :-


هيت ترانسفير : في غرفه المقابله ماهي اسباب ارتفاع درجه الحراره ( عوامل ومصادر الحراره فيها)


ماتيريال ساينس: الفرق بين الدكتايل والبريتل مع الامثله

سترينقث اوف ماتيريال: ارسم تشارت الاسترس والاسترين


بمب : ماهي الخواص اللي تحتاجها لاختيار البمب المناسب (الجواب الفلو ريت والهيد برشر ومعرفه نوعه الماده اللي ابضخها والكميه وووو)

بمب:ارسم تشارت البمب المشهور (الهيد برشل والكابستي)



وسالوني عن مشروع التخرج كذالك ايش هو واش فايده وتكلم عنه بشكل عام


وصلى الله وبارك على سيدنا محمد

في حال القبول رح يتواصلون معك في ناس قعدت شهر وفي ناس قعدت اسبوعين وفي ناس قعدت فترات مختلفه
فما اقدر افتيكم بخصوص هالنقطه



وبس يا صديقي

وفالكم التوفيييق يارب


ولا تنسونا من الدعاء

 

قبل شهر ونص سويت اختبار ومقابله علماً بان تخصصي هندسة بناء

الاختبار عام وسهل بالتخصص اللي لغته كويسه بيحله ٤٠ سؤال والنجاح من ٢٠

والله يوفق الجميع

 

حياك الله حبيبنا
اول شي الف مبروك وعساها فاتحت خير عليك وتشوف الخير منها

انا دايما انصح ان التطوير هو من جدية واجتهادك بالعمل وحسن التعامل مع ادارتك وانت اكيد قد هالمكان

الهيئه الملكيه تعتبر استقرار وظيفي ووجودها بالسي في كفيل انه يفتح لك مجالات اكثر ، يكفي ان فيها مميزات مثل البيت .. الخ

والترقيات حسب ما سمعت انها تعتبر جيده

لا تشيل هم الخبره لانها تعتمد عليك

صدقني حط الشي في بالك ( خلي هالوظيفه وظيفة العمر )
واشتغل علي نفسك قد ما تكثر وراح تتسهل امورك

الان الكوره بملعبك ي بطل استغل الفرصه .

مجرد نصيحه

فالك التوفيق
واسال الله ان يرزقنا ما نمتنى يارب
موفق خير حبيبي