همسة للبعض: ترى أنت مو في السعودية غش وما فيه أحد يحاسب، عندهم ما فيه مجال للغش فما بالك بجازئة كهذه، بعدين ترى كلها محسوبة بنقاط وتصويت يعني ما هي عباطة اللي أعجبني اختاره. :: The Best :: كنت بأناقشك لكن من يوم قريت أنك تعتقد أن ميسي ما يستاهل الجائزة في الثلاث سنوات عرفت أنك متعصب للأسف.
يستحق جائزتين .. عام 2010 كانت فضيحة عموما الجائزة فقدت قيمتها عندي من عام 96 والمصيبة ان المجاملات مو على حساب الفائز بس لا حتى المرشحين مجاملينهم خدها بالانجازات ميسي .. كاس اسبانيا .. هداف الليجا انيستا .. كاس اسبانيا.. اليورو .. افضل لاعب في اليورو رونالدو .. الليجا .. كاس السوبر .. نصف نهائي اليورو مع البرتغال < معنه ما كان له تاثير وبيرلو .. الكالتشيو .. افضل لاعب في ايطاليا .. نهائي اليورو .. تاني افضل لاعب في اليورو .. السوبر الايطالي .. وما يترشح من بين افضل ثلاثة !!! جائزة تافهة وفقط معلومة صغيرة .. لاعبي اليوفي اكثر من فاز بيها .. عشان لحد يدخل النادي الي اشجعو في رايي
اذا كنت تحسب انهم نزيهين وشريفين فانت غلطان بلاتر رئيس الفيفا هو اكبر راشي ومرتشي في العالم واقذر انسان في تاريخ الرياضة .. لكنه ما زال رئيس للفيفا ومازال رايه مو اللي يتاخذ به الفيفا كمجمل .. منظمة قايمة عالمصالح والفلوس الاعلام رفع ميسي وكريستيانو والناس سارت تحب تشوفهم والفيفا تدور اللي يجيبلها فلوس .. فسار كل تركيزهم على ميسي وكريستيانو والريال والبرشا هذا غير فضيحة المدربين اللي سارت اجل غوارديولا يترشح وهو عاطل !!!
اذا هو يلعب في دوري الدفاع فيه عيب !! دوري لو تشوت الكورة من نص الملعب دخلت هدف ما تباه يجيب الكم دا من الاهداف !! كريستيانو اللي جاب 46 او 47 هدف في الدوري ليش ما قدر يجيب زيها في الدوري الانجليزي !! وكم اكتر شي وصله في الدوري الانجليزي اذا الجائزة تعطى لعدد الاهداف .. دي مصيبة !!
معليش ، بس الجائزة لأفضل لاعب "كمستوى بالملعب و تأثيره بالفريق" مهوب لأكثر لاعب إنجازات ، حتى لو كان معك حق ، كيف تقارن الدوري الإيطالي بالإسباني ، كل بطولة لها وزن عند الفيفا (و بطولات السوبر اللي ذكرتها غير معترف فيها). كيف ماله تأثير و هو اللي أهلهم من المجموعات (ضد هولندا) و وصلهم لنصف النهائي بعد مباراتهم ضد التشيك ؟ تأثيره كان واضح مع المنتخب !
للاسف هدا مو معيار الفيفا .. لان شنايدر كان الافضل في الملعب والاكثر تاثيرا في عام 2010 بس الفيفا اختار ميسي !! بيرلو كان افضل من كانافارو في 2006 واكثر تاثيرا مع المنتخب .. وما اترشح من الاساس !! هنري كان افضل لاعب في ارسنال واكثر اللاعبين تاثيرا في العالم عام 2003 .. واخدها زيدان الجائزة مالها اي معيار محدد .. الفيفا تتخبط كل سنة في اختيارها للمرشحين والفائز
مني متعصب ابدا .. بالعكس ما قلت الا الحقيقة .. اتوقع حتى البرشلونيين يقولوا انه ما يستاهلها في ٢٠١٠ .. كان اجماع عالمي على انه اللي يستحقها هو شنايدر .. بالنسبة لهذا الموسم ،، لو فاز فيها ميسي ،، فـ حيطيح مستوى الجائزة .. لانه ما حقق اي انجازات ابدا .. الا انه هداف .. من المرشحين الثلاثة .. انييستا/رونالدو يستحقوها .. خارج المرشحين .. بيرلو / سيلفا / شفاينشتايجر / يايا توريه ..
آخر ثلاثة كلهم زينين (<جمع زين ) ؛ لكن ما أعتقد إنها توصل و يكون واحد فيهم "أفضل لاعب بالعالم" يا السمي. كنت أتمناها لكاسياس.
وهنا تكمن المشكلة .. الجائزة ما ياخذها لاعبين ما تتوقع انهم يفوزوا فيها .. صار اهم شي في الجايزة هو التسويق .. نرشح اكثر لعيبة مشهورين و محبوبين عشان الاغلبية تفرح .. بس مطنشين الجانب الفني .. اهم شي ما اتهوروا ورشحوا توريس .. مع انه اخذ كاس الاتحاد وابطال اوروبا واليورو وهداف اليورو ..
انت قلت ما يستحقها كلها وهالحين قاعد تتكلم عن 2010 وعن هالسنة، يصير بقي ثنتنين وش رايك فيهن؟ اعذرني ولكن ردك الاول مضحك ووضح قد ايش كرهك لميسي ليو يقارن بمارادونا وغيره من اساطير الكورة وانت هنا تجي ببساطة تقول ما يستحق جائزة افضل لاعب في السنة ولا مرة ؟!
عموما معروف جازة افضل لاعب في العالم مبنية على تصويت كباتنة ومدربين المنتخبات ههههههه يعني الي يقول مؤامرة اسبانية ومدري كيف يرقد احسن له ..... لو الاختيار على المستوى فـ ميسي يستحقها وهو منسدح واستغرب ان باقي ناس مثل الاخ ذا بست مو مقتنعه بأفضلية ميسي المطلقة كموهبة ما لها مثيل ع الاقل بوقتنا الحالي! اذا بنتكلم عن الانجازات في الموسم الي فات فكريس هو اخر لاعب ممكن احد يختاره يعني كلها بطولة دوري وحدة وصااجينا؟ دروقبا مثلا شال تشيلسي شيل في الابطال ومع ذلك ما احد قام يصيح بالنيابة عنه وانه مظلوم
انا ما قلت ما يستحقها و لا مرة .. قلت انه ما يستحقها في ٢٠١٠ .. و في ٢٠١٢ بس .. و بما اني ما اتكلمت عن السنتين الثانيتين ،، فيعني ما عندي اعتراض .. و ما اتذكر اني كتبت انه ما يستحقها كلها الثلاثة ..!! بالعكس لاعب كبير ويعتبر من افضل اللاعبين في تاريخ الكرة ..
وش جاب فرخ الوز لحر الطير < إن شاء الله ما يكون المثل غلط مارادونا إشتهر من بين أساطير في عصره ، ميسي من حوله (دفاع سرقسطة و إلا بلد الوليد !) ، يمكن يكون ميسي أفضل لاعب بموقعه في الوقت الحالي ؛ لكن و اللي يرحم والديكم لا تحطونه بمقارنات مع مارادونا أو بيليه (لاعب المنتخب ما يقارن أبدا بلاعب ..... ) .
ما ادري ليش لمن اقول ان ميسي ما يستحقها هذا الموسم يفهمها البعض اني انزل من مستواه واحتقرت لعبه و فنه .. مرة ثانية .. اعتراضي كان على عام ٢٠١٠ لحاله .. مع العام الحالي .. بالنسبة لكريستيانو .. فهو يستحقها اكثر من ميسي ( من بين الثلاثة المرشحين ) ساهم في الدوري وكاس السوبر وفي اليورو مع المنتخب .. بالنسبة لدروقبا .. مثله مثل يايا توريه وفان بيرسي وغيرهم كثير ،، ساهموا مع انديتهم ،، بس دورهم كان ضعيف في منتخباتهم .. كل كلامي اللي فوق على حسب طريقة الفيفا في الترشيح والفوز .. يعني اتكلمت من ناحية الانجازات والالقاب والمنافسة والمساهمة .. مو التسحيب و تسجيل فاولات و اهداف دبل كيك ..
اهااااااا .. لا عادي ما عندك مشاكل .. صح اني مدريدي .. لكن ما يوصل التعصب اني اهمش القاب ميسي كلها .. حصل خير ..
هههه ودي اكتب لك رد في عشر صفحات عن ضعف الدفاعات ولاعب المنتخب والنادي لكني قايم من الفجر امس برب يا عشاق زعيق اسبانيا