حقق أفضل أداء ممكن يحققه لاعب في موسم واحد أو سنة وحدة على الاطلاق أهداف خذ أهداف...أسيست خذ أسيست...واجبات دفاعيه ممتازة...استيعاب للواجبات التكتيكية سواء مع النادي أو المنتخب...لياقة خرافية...ثبات على الأداء الممتاز طوال الموسم... للأسف في ناس هنا أنتي ميسي وفقط..يعني ياخذها ناصر الشمراني ولا ياخذها ميسي عني أشوف الثلاثة اللي من المفترض يكونون في القائمة النهائية ميسي بيرلو انييستا وأرى الأول هو الأقرب حتى لو ما حقق أي لقب عطفا على الأداء الرائع اللي قدمه(طبعا هوا حقق4 ألقاب والوحيد اللي أعتبره لقب: الكأس)....الجائزة جائزة أفضل لاعب وليست جائزة اللاعب اللي حقق أكثر ألقاب كريستيانو لاعب كبير وسوبر ستار لكن ما يستحقها الموسم الماضي لأن مستواه ماكان ثابت أبدا وكان متذبذب جدا رغم بروزه في بعض الفترات...وإن كنا نتكلم عن السنة الحالية فقط 2012 فالجميع يعرف قصة انهيار مستواه في فترة ما وتصريحه الشهير بأنه حزين
دحين صارت هذي المعايير ..!!!!! طيب فينها من زمان ..!! وللا عشان ما اتحققت ألقاب اتغيرت المعايير .. الجائزة المفروض تكون على اساس واضح من البداية .. يا المستوى والتأثير .. يا الانجازات الفردية والجماعية .. يا الشهرة .. مو كل شوي يغيروها عشان يرضوا حبايب القلب ..!! و التسويق يشتغل عندهم صح ..
في النهاية .. المدربون المرشحون للجائزة : ٣ أسبان اللاعبون المرشحون للجائزة : ٣ يلعبون في الدوري الأسباني انتهت الحكاية
هذا الكلام.... وإن كنت أخالفك فيمن يستحقها 2010 وعالعموم الجائزة هذي انظلموا فيها ناس كثير ومنهم هنري لكن انو اظلمو فيها ناس قبل مو معناه اننا نظلم اللعيبة اللي يستاهلونها حاليا وعالعموم في النهاية هيا آراء المصوتين والمصوتين بالتأكيد يؤثر فيهم الاعلام
يجب وضع لجنة لتقيم المدربين و الاعبيم و مذا فعلو لانديتهم ولمنتخباتهم و ليس بالتصويت لم يعجبهم . هذه الجوائز اصبحت مملة
خخخخخ افضل اللاعبين من اسبانيا وافضل المدربين من اسبانيا باقي يخلون اجمل المزز من اسبانيا وافضل طبخة من اسبانيا اجل جوارديولا افضل مدرب وهو معطل ههههههههههههههههههههههه بعدين ممكن سؤال.. على اي اساس انييستا يكون بين الثلاثة؟ الموسم الماضي كان اسوء موسم لانييستا من فترة طويلة واصيب تقريبا مرتين.. رجع لمستواه فقط باليورو لكن بالموسم كامل كان سيء.. وعموما مثل ما قالوا الشباب من فضيحة شنايدر وفورلان وانا غاسل يدي من هالجوائز..
بكره ديربي التاريخ والعراقةة, ديربي جبال الالب, ديربي ملاك الفيات والعمال, ديربي المدينة اللي تمتلك اكبر عدد من السكوديتو, ديربي الدم وحظر التجول..<كيف المقدمة ض١ ديربي مدينة تورينو بين اليوفي والتورو.. لا يفوتكم بكره تابعوا كرة القدم الاصيلة واتركوا عنكم سماجة توم وجيري وليفانتي وقادش خخخخخ
إذا أخذها انيستا فهو استحقها بجدارة. أما إذا أخذها ميسي فهو يستحقها نظير أرقامه لكن هناك ظلم بسيط لانيستا. إما إذا أخذها رونالدو فأنا لا أقول أنه ما يستحقها لكن يكون فيه ظلم كبير لميسي وانيستا. وبصراحة هذي السنة من ضمن السنين اللي أكون محتار من اللي يستاهلها بعكس السنين الأخرى وما أقدر أحكم حكم وأكون مقتنع فيه 100%.
مباريات جميلة اليوم برشا × بلباو بعدها ديربي تورينو القديم يوفنتوس × تورينو وبعدها ديربي مدريد اتليتكو × الريال سهرة كروية جميلة بالتوفيق للسيدة
اليوم مباريات سلخ والله بالتوفيق للبرشا ولأتلتيكو واليوفي والدورتموند ! أسيبكم مع مقطع يوضح ببساطة ليش ميسي أحسن لاعب في العالم في هذا القرن https://www.youtube.com/watch?v=lvXGaGSn5fE
بالتوفيق لتورينو وفينتورا الليلة .. قمة البايرن والدورتموند ما تتفوّت , كل التوفيق لـ كلوب والنادي الممتع دورتموند
أوقعت قرعة كأس القارات التي سحبت اليوم في ساو باولو منتخب البرازيل المضيف مع إيطاليا واليابان والمكسيك، ضمن المجموعة الأولى للبطولة التي ستقام بين 15 و30 يونيو/حزيران المقبل. وفي المجموعة الثانية، ستلعب إسبانيا بطلة العالم وأوروبا مع أوروغواي بطلة أميركا الجنوبية "كوبا أميركا" وتاهيتي بطلة أوقيانيا، إضافة إلى المنتخب الذي سيتوج بكأس أمم أفريقيا في جنوب أفريقيا مطلع العام المقبل. ويلتقي منتخب البرازيل نظيره الياباني في المباراة الافتتاحية للبطولة يوم 15 يونيو/حزيران المقبل على الملعب الوطني بمدينة برازيليا، بينما يستهل منتخب إسبانيا مسيرته بلقاء منتخب أوروغواي في مواجهة قمة بالمجموعة الثانية. وضمن منتخبا البرازيل وإسبانيا وضعهما على رأس المجموعتين الأولى والثانية على الترتيب ليتجنبا المواجهة المبكرة بينهما في الدور الأول، ولكن ذلك لم ينصف منتخب السيليساو بوقوعه مع منتخبات إيطاليا وصيفة بطل أوروبا والمكسيك بطلة كونكاكاف (أميركا الشمالية والوسطى والكاريبي) واليابان بطلة آسيا. وستكون كأس القارات تجربة جادة للبرازيل للتعرف على مدى استعدادها تنظيميا لكأس العالم 2014، كما تمثل اختبارا مهما لمنتخبها بقيادة مديره الفني الجديد لويز فيليبي سكولاري. .
البرشا اكتسح بيلباو ب٥ أهداف اليوفي بثلاثية والدورتموند والبايرن يتعادلون مدريد فاز بثنائية نظيفة أشوف انه كل الفرق تستحق نتائجها .. ويا لبا البارسا يا عالم .. اليوم كانت المباراة ممتعة لدرجة مو طبيعية .. والله شوط من مباريات البرشا = ١٠٠ مباراة من مباريات الفرق الثانية